@life_shymkent17: ҚР Премьер-Министрінің орынбасары Қанат Бозымбаев Шымкентке іс-сапармен келді. Қала әкімі Ғабит Сыздықбековпен бірге қаладағы бірқатар инфрақұрылымдық нысандарды аралады. Сапар барысында “ӘІО-160 Гкал” қазандығын жаңғырту жұмыстары тексерілді. Бұл қазандық екі магистральдық жылу желісі арқылы қаланы жылумен қамтамасыз етіп, мегаполистің солтүстік және оңтүстік бөліктеріне қызмет көрсетеді. Жаңғырту жұмысы аяқталған соң жылумен қамту сапасы 20%-ға артып, пайдалану шығындары азаяды. Сонымен қатар, өткен жылы іске қосылған 110/10 кВ кабельдік желімен жабдықталған, 36 МВт қуаты бар «Дендропарк» қосалқы электр станциясына бару ұйымдастырылды. Инвесторлар қаражаты есебінен салынған бұл нысан жаңа тұрғын үй кешендері мен коммерциялық нысандарды тұрақты әрі сапалы электр қуатымен қамтамасыз етуде. «Қызыл су» және «Ынтымақ» қосалқы станцияларын салу перспективасы таныстырылды. Жаңа станциялар жүктемені азайтып, тұтынушыларды қажетті қуатпен және сенімді әрі сапалы электрмен жабдықтауға мүмкіндік береді. Қалалық төтенше жағдайлар департаментінің және №9 мамандандырылған өрт сөндіру бөлімінің жұмысы таныстырылды. Департамент басшылығы азаматтық қорғаныс жүйесінің дайындығы және нысандардың материалдық-техникалық жарақтандырылуы жөнінде ақпарат берді. Еңбекші ауданында «З-Энергоорталық» АҚ-ға қарасты 3-ЖЭО-дағы қазандық және турбиналық цехтардың техникалық жағдайы тексерілді. Қазіргі таңда былтыр күрделі жөндеуден өткен екі қазандық жұмыс істеп тұр, тағы біреуі резервте. Сонымен қатар, тамақ өнеркәсібіне арналған шыны ыдыс өндіретін «ЕвроКристалл» ЖШС зауытына бару ұйымдастырылды. Кәсіпорын жылына 200 миллионнан астам өнім шығаруға қауқарлы. «Маятас» тұрғын алабында Бадам өзенінің жағалауын бекіту бойынша атқарылған жұмыстармен танысу жүргізілді. Жағалауды нығайту шаралары жүргізілген аумақтың жалпы көлемі 9 шақырымды құрайды. Сонымен қатар, өзеннің су тасқыны қаупі жоғары учаскелерінде зерттеу жұмыстары жүргізілді. Тәуекелдерді азайту мақсатында қосымша жағалауды бекіту жұмыстары жоспарлануда.

1191

2025-02-07 06:05:29

To see more videos from user @life_shymkent17, please go to the Tikwm homepage.