@amiryousafzai.ak: اې لېونيه ساقي! د لېونو د شراب ستا جادوګره رڼا د خمارونو درياب نن مې په سترګو کې ستا سيوری د غم وليده د ارمانونو لړې خاموش ماتم وليده ياده که هېره دې ده زما ځواني لېونۍ چې تا به سره لمبه کړه زما نشه د ځوانۍ ستا پلوشو به را نه ارام او خوب پټ که يو بې قراره ارمان کې به مې هوش ورک که چې راښکاره به شوې ته لکه مسکۍ محبوبه زما هر رګ به دې که يو د جنون لمبه بس يو ارمان يو درد سوز او خمار به شومه هر سر کې اور او ژړا داسي ستار به شومه يا به دي داسي مست کړم يو سور انګار به شومه يا به دي راوړو امېد يو سپين ګلزار به شومه خو نن خفه غوندې يې زيړه حيرانه شانې سترګي دي مړاوې مړاوې او پرېشانه شانې په ټول جهان دي که خور مړاوی غمګين ارمان لکه بې وسه ماليار په تور ماښام د خزان نن دې رڼا کې هغه رنګ او سرور نشته هغه مستي د ځوانۍ د ښايست غرور نشته سترګې دې مړاوې مړاوې خفه روانه يې لکه زما د زړه ستړې ستومانه يې هغه جادو دي څه شو هغه شراب څه شو هغه د اور لمبې او سره ګلاب څه شو زما رنګينه ځواني خو وخت په غلا يوړه خمار ځوانۍ سره لاړ مستي سودا يوړه ما ځان باچا ګڼلو د بل غلام وختم ما يو درياب ګڼه ځان د خاورو جام وختم خو ستا جادوګره رڼا د خمارونو درياب څه شو ستا ډک خمونه د لېونتوب د شراب بس هيڅ جواب نه کړې کوم خوا ته ځې زما نه سترګي موسکۍ موسکۍ مړاوې خفه حېرانه دا خو راته نه وايې کنه چې زه هم هغه سپوږمۍ خو ته بوډا شوې غني‌خان امـيــــــــــريوسفزۍ لټون : مخ يا صفحه (390 نه تر 393) #ghanikhan #pushtopoetry #pushtosong #amiryousafzai #fyp #unfreezemyacount @خالد یوسفزۍ @برهان یوسفزۍ❄️ @اعزاز یوسفزۍ❄ @Ijaz Ufaq Official ✅