@babyhealthtip12_: "ကလေးများတွင် တွေ့ရတတ်သော အင်ပျဉ်ထွက်ခြင်း (Urticarial Rash) အကြောင်း ကလေးများတွင် ယားယံသော အင်ပျဉ်ထွက်ခြင်း (Urticarial Rash) သည် အဖြစ်များသော အရေပြားပြဿနာတစ်မျိုးဖြစ်ပြီး အင်ပျဉ်များသည် နီမြန်းပြီး ယားယံတတ်ပါတယ်။ ဤအင်ပျဉ်များသည် များသောအားဖြင့် အန္တရာယ်မရှိသော်လည်း တစ်ခါတစ်ရံတွင် ပြင်းထန်သော ဓာတ်မတည့်မှုများကို ညွှန်ပြနိုင်ပါတယ်။ မိဘများအနေဖြင့် ဤပြဿနာနှင့် ပတ်သက်၍ သိထားသင့်သည့် အကြောင်းရင်းများ၊ လက္ခဏာများ၊ စစ်ဆေးမှုများနှင့် ကုသမှုနည်းလမ်းများကို အောက်တွင်ဖော်ပြထားပါသည်။ ၁။ အင်ပျဉ်ထွက်ခြင်း၏ အကြောင်းရင်းများ (က) ဓာတ်မတည့်မှုများ * အစားအစာများ: ဥပမာ - ပင်လယ်စာ၊ ဥများ၊ နို့ထွက်ပစ္စည်းများ၊ သစ်သီးများ။ * ဆေးဝါးများ: ပန်းနာရင်ကျပ်ဆေး၊ ပဋိဇီဝဆေးများ၊ အကိုက်အခဲပျောက်ဆေးများ။ * ပိုးမွှားကိုက်ခြင်း: ဉပမာ - ပျားတုပ်ခြင်း၊ ခြင်ကိုက်ခြင်း။ (ခ) ရောဂါပိုးဝင်ခြင်းများ * ဗိုင်းရပ်စ်ပိုးများ: အအေးမိခြင်း၊ တုပ်ကွေးရောဂါဖြစ်ခြင်း။ * ဘက်တီးရီးယားပိုးများ: လည်ချောင်းနာခြင်း၊ နားပြည်ယိုခြင်း။ (ဂ) အခြားအကြောင်းရင်းများ * အပူချိန်ပြောင်းလဲမှု: အပူချိန်မြင့်မားခြင်း၊ အရမ်းအေးခြင်း။ * စိတ်ဖိစီးမှုများ: စိတ်ဖိစီးမှုများကြောင့်လည်း အင်ပျဉ်ထွက်နိုင်ပါတယ်။ ၂။ လက္ခဏာများ * အင်ပျဉ်များထွက်ခြင်း: နီမြန်းပြီး ဖောင်းကြွသော အဖုများထွက်ခြင်း။ * ယားယံခြင်း: အင်ပျဉ်များသည် ပြင်းထန်စွာ ယားယံတတ်ပါတယ်။ * အရွယ်အစားနှင့် ပုံစံအမျိုးမျိုး: အင်ပျဉ်များသည် အရွယ်အစားနှင့် ပုံစံအမျိုးမျိုးရှိနိုင်ပြီး ခန္ဓာကိုယ်အရေပြား၏ မည်သည့်နေရာတွင်မဆို ထွက်နိုင်ပါတယ်။ * ပျောက်ကင်းခြင်း: အင်ပျဉ်များသည် မိနစ်အနည်းငယ်မှ နာရီအနည်းငယ်အတွင်း ပျောက်ကင်းနိုင်ပါတယ်။ ၃။ စစ်ဆေးမှုများ (Investigations) (က) ဓာတ်ခွဲခန်းစစ်ဆေးမှုများ * သွေးစစ်ဆေးခြင်း(CBC, CRP, TFT, Total Ig E and Specific IgE tests, Tests for autoimmune conditions,etc): ဖြစ်ပွားရသည့် အကြောင်းရင်းကို သိရှိရန် သွေးစစ်ဆေးခြင်း။ * အရေပြားစစ်ဆေးခြင်း (Skin Prick Test): ဓာတ်မတည့်မှုကို စစ်ဆေးရန် အရေပြားပေါ်တွင် စစ်ဆေးခြင်း။ (ခ) အခြားစစ်ဆေးမှုများ * ရောဂါပိုးစစ်ဆေးခြင်း: ဗိုင်းရပ်စ်နှင့် ဘက်တီးရီးယားပိုးများကို စစ်ဆေးခြင်း။ ၄။ ကုသမှုနည်းလမ်းများ (က) အိမ်တွင်းကုထုံးများ * ယားယံခြင်းကို သက်သာစေရန်: အင်ပျဉ်များကို ရေအေးဝတ်ကပ်ပေးပါ။ * မတည့်သော အစားအစာနှင့် ဆေးဝါးများကို ရှောင်ပါ: ဓာတ်မတည့်မှုဖြစ်စေသော အစားအစာနှင့် ဆေးဝါးများကို ရှောင်ပါ။ (ခ) ဆေးဝါးကုသမှု * Antihistamines: ယားယံခြင်းကို သက်သာစေရန် Antihistamines ဆေးများကို ဆရာဝန်ညွှန်ကြားချက်ဖြင့် တိုက်နိုင်ပါတယ်။ * Steroids: ပြင်းထန်သောအင်ပျဉ်များအတွက် Steroids လိမ်းဆေး၊ သောက်ဆေးများကို ဆရာဝန်ညွှန်ကြားချက်ဖြင့် တိုက်နိုင်ပါတယ်။ (ဂ) ပြင်းထန်သောဓာတ်မတည့်မှုအတွက် ကုသမှု * Epinephrine(Adrenaline): ပြင်းထန်သောဓာတ်မတည့်မှု ( ဉပမာ - မျက်နှာနှင့် နှုတ်ခမ်းရောင်ရမ်းခြင်း၊ အသက်ရှူရခက်ခြင်း စသဖြင့်) ဖြစ်ပါက Epinephrine ထိုးဆေးကို အမြန်ထိုးနှံရန် လိုအပ်ပါတယ်။ ၅။ မိဘများအနေဖြင့် ဘာလုပ်ပေးသင့်သလဲ? * အင်ပျဉ်များထွက်ပါက ကလေး၏အခြေအနေကို စောင့်ကြည့်ပါ။ * ဓာတ်မတည့်မှုဖြစ်စေသော အစားအစာနှင့် ဆေးဝါးများကို ရှောင်ပါ။ * ကလေး၏အခြေအနေကို စိုးရိမ်ပါက ဆရာဝန်နှင့် တိုင်ပင်ပါ။ ယားယံသော အင်ပျဉ်ထွက်ခြင်းသည် ကလေးများတွင် အဖြစ်များသော်လည်း များသောအားဖြင့် အန္တရာယ်မရှိပါ။ မိဘများအနေဖြင့် ကလေး၏အခြေအနေကို စောင့်ကြည့်ပြီး လိုအပ်ပါက ဆရာဝန်နှင့် တိုင်ပင်သင့်ပါတယ်။ Ref : WHO, American Academy of Pediatrics Dr. Lwin ကလေးဆရာဝန် မေတို့သိစေဖို့ ပြန်လည်မျှဝေပေးလိုက်ပါသည်။ မူရင်းရေးသားသူအား လေးစားစွာဖြင့် credit ပေးပါသည်။ #babyknowledge #babyhealthtip #newborn #fyp #baby #pregnant #foryou

ကလေးပြုစုနည်း - Sharing

Open In TikTok:

Region: MM

Thursday 20 February 2025 14:47:22 GMT