@life_shymkent17: Шымкентте реновация бағдарламасы сәтті жүзеге асып келеді. Бүгін Көксай шағынауданындағы МПС 9 мекенжайында тұратын сегіз отбасы жаңа пәтердің кілтін алды. Қоныстой иелерін қала әкімі Ғабит Сыздықбеков құттықтап, бұл бастаманың маңыздылығына тоқталды. “Көксай шағынауданын жаңғырту – біздің мегаполисті дамытудағы маңызды қадамдардың бірі. Өңірдегі тұрғын үй қорын жаңарту арқылы тұрғындардың өмір сүру сапасын арттыруға мүмкіндік береміз. Бұл бағдарлама аясында апатты және тозығы жеткен көпқабатты үйлер кезең-кезеңімен сүріліп, тұрғындарға жаңа, жайлы баспана ұсынылады. Ең бастысы – тұрғындар жаңа үйге көшкенде бөлме саны өзгермейді, пәтерлер таза әрлеумен дайын күйде беріледі”,– деді қала әкімі. Айта кетейік, реновация бағдарламасы басталғалы бері Көксай шағынауданында 22 отбасы жаңа баспаналы болды. Жоба әрі қарай жалғасып, қала инфрақұрылымын жақсарту мен тұрғындардың әл-ауқатын көтеруге ықпал етпек.

life_shymkent17

Open In TikTok:

Region: NL

Thursday 20 February 2025 16:31:50 GMT