@life_shymkent17: ШЫМКЕНТ ҚАЛАСЫНЫҢ ӘКІМІ ҒАБИТ СЫЗДЫҚБЕКОВ АРНАЙЫ ЭКОНОМИКАЛЫҚ АЙМАҚТАҒЫ КӘСІПОРЫНДАРДЫ АРАЛАДЫ Бүгін қала әкімі арнайы экономикалық аймақта орналасқан бірқатар өндіріс орындарының қызметімен танысты. 🔹 Алдымен “Шымкент химиялық компаниясы” ЖШС-не барды. Бұл кешен қаланың өңдеу өнеркәсібіне елеулі үлес қосып, отынның октан санын арттыруға арналған метил-трет-бутил эфирін шығарады. Кәсіпорынның жобалық қуаты – жылына 57 мың тонна өнім. 🔹 Әрі қарай “Arnatex” ЖШС-нің өндіріс цехтарын аралады. Бұл компания тоқыма емес және геосинтетикалық материалдар өндіруге маманданған. Мұнда 40-тан астам қызметкер жұмыс істейді. Қазіргі таңда кәсіпорын тоқыма саласын дамытып, өнімін көрші елдерге экспорттауды жоспарлап отыр. 🔹“Tumar Textile” ЖШС-нің қызметімен де танысты. Балалар аяқ киімін тігумен айналысатын фабрика өндіріс ауқымын кеңейтіп, үйге арналған тоқыма бұйымдары мен әскери форма шығаруды қолға алмақ. 🔹 Сонымен қатар, “Хлопкопром-Целлюлоза” ЖШС-не барды. Фабрика гигроскопиялық мақта, мақта целлюлозасы, техникалық және тазартылған карбоксиметилцеллюлоза өндіреді. Кәсіпорын заманауи жоғары технологиялық жабдықтармен қамтылған, өндіріс толық автоматтандырылған әрі экологиялық тұрғыдан қауіпсіз. 🔹 Бұдан бөлек “Назар Текстиль” ЖШС-де кілем өндіру процесімен танысты. Кәсіпорынның өндірістік қуаты жылына шамамен 2,5 млн шаршы метрді құрайды. Компания басшылығы өндірісті кеңейту, полиэфир жіп шығаратын зауыт ашу және тоқыма бұйымдарының ассортиментін арттыру жоспарымен бөлісті. Аралау барысында әкім жауапты тұлғаларға кәсіпорындарға мемлекеттік қолдау шараларын қарастырып, өнімдерін өткізуге көмек көрсету мүмкіндігін зерделеуді тапсырды.

life_shymkent17

Open In TikTok:

Region: KZ

Thursday 20 February 2025 20:38:31 GMT