@minthu.11: နစက ဘက်က တန်ပြန်ချပြခဲ့တဲ့ စီးပွားရေးStrategy  ============== ကျားဖြန့်နဲ့ပတ်သက်ပြီး ထိုင်းဝန်ကြီးချုပ်က  သံတမန် နည်းလမ်းအရ ဖြေရှင်းနေချိန်မှာ စီးပွားရေးအရလည်း တရုတ်ရဲ့ ပင်လယ်ထွက်ပေါက် အတွက် မက်လုံးတစ်ခု ကို သမ္မတ ရှီနဲ့ အဆိုပြုခဲ့ကြတယ်ဆိုတဲ့ သတင်းလေး မှတ်မိကြဦးမယ် ထင်ပါတယ်။ တရုတ်နိုင်ငံက နေ လာအိုကို ဖြတ်ကျော်ပြီး၊ ထိုင်းနိုင်ငံ တောင်ပိုင်းကနေ မလက္ကာရေလက်ကြားကို ဖြတ်ချမယ့် ဒီသတင်းဟာ အာဆီယံနိုင်ငံတွေ အကြား အတော်လေးလည်းဟော့ခဲ့ပါတယ်။ ဒါပေမယ့် ဘယ်ဘက်က ကြည့်ကြည့်၊ ဒီပင်လယ်ထွက်ပေါက်ဟာ တရုတ်အတွက် လုံးဝ ပြည့်စုံတဲ့ ထွက်ပေါက် တစ်ခု မဟုတ်ဘူးဆိုတာ လူတိုင်းသိပါတယ်။ အဓိက ကတော့ ထိုင်းဟာ လက်ရှိဖြစ်နေတဲ့ မြဝတီ ကျားဖြန့် အရေးမှာတင် အမေရိကန်ကိုရော၊ တရုတ်ကို ပါ မျှခြေကစားနေတာကို ကြည့်ရင် တရုတ်ဘက်က လုံးဝဥသုန် ယုံကြည်မယ့် ဟန် တော့ မရှိပါဘူး။ ----- ဒီကနေ့ နစက ချပြခဲ့တဲ့ စီးပွားရေး စီမံကိန်းတစ်ခုက ရက်ပိုင်းအတွင်း မြန်မြန် ဆန်ဆန် ပဲ ထွက်ပေါ်လို့လာတာတွေ့ရတယ်။ ပဥ္စမအကြိမ် ရုရှား-မြန်မာ အစိုးရအချင်းချင်း စီးပွားရေး ပူးပေါင်းဆောင်ရွက်ရေး အစည်းအဝေးကို နေပြည်တော်က ကွန်ဗင်းရှင်းဗဟိုဌာန(၂)မှာ ပြည်ထောင်စုဝန်ကြီး ဒေါက်တာကံဇော်နဲ့ ရုရှားဘက်က စီးပွားရေး ဖွံ့ဖြိုးတိုးတက် ရေးဝန်ကြီး တွေ့ဆုံမှုအပြီးမှ စီမံကိန်း(၉)ခုအထိ လက်မှတ်ရေးထိုးနိုင်ခဲ့တယ်လို့ ရုရှားနိုင်ငံပိုင် သတင်းစာတွေက ဖော်ပြထားတာပါ။  စီမံကိန်း(၉)ခုအထဲမှာမှ ရုရှားအစိုးရ စီးပွားရေးဖွံ့ဖြိုး တိုးတက်ရေးဝန်ကြီးဌာနဘက်က ထုတ်ပြန်တဲ့ သတင်းမှာ ထားဝယ်မှာ ရေနက်ဆိပ်ကမ်း တစ်ခုနဲ့ ရေနံချက်စက်ရုံတစ်ခု အပါအဝင် အထူးစီးပွားရေးဇုန်တစ်ခု တည်ဆောက် ဖို့အတွက် မြန်မာနဲ့ရုရှား နှစ်နိုင်ငံကြား မှာ နားလည်မှုစာချွန်လွှာလက်မှတ် ရေးထိုးလိုက်ပြီ ဆိုတာပါပဲ။ ---------- ဒီနေရာမှာ နစက ရဲ့ သံခင်းတမန်ခင်း ကစားတတ်ဖို့က  သိပ်အရေးကြီးပါတယ်။ အိန္ဒိယရဲ့အရှေ့ မျှော် မူဝါဒလည်း အကျုံးဝင်အောင် ၊ တရုတ်ရဲ့ ပင်လယ်ထွက်ပေါက် အတွက်လည်း အလေး ပေးသယောင်ယောင်ရှိအောင်၊ မိတ်ဆွေ မဟာမိတ်ဖြစ်တဲ့ ရုရှားလိုပဲ  ၃ နိုင်ငံ အကျိုးစီးပွား အပြိုင်ဖြစ်အောင် ကစားသင့်တယ်ဆိုတာ သတိပြု ရပါ့မယ်။ ဒီလိုလုပ်ခြင်းအားဖြင့် ထားဝယ်စီးပွားရေးဇုန်ရဲ့ အရေးပါအရာရောက်မှုနဲ့ ကြီးကျယ် ခမ်းနားမှုကို  နည်းမျိုးစုံနဲ့ ပိတ်ဆို့ကစားနေတဲ့ စင်ကာပူနဲ့ မလေးရှား တို့ကိုလည်း ကောင်းကောင်း ဒုက္ခ ပေးနိုင်မှာ ဖြစ်ပါတယ်။ ----------- Aden ပင်လယ်ကွေ့ရဲ့ ထိပ်မှာ ထီးထီးကြီးရှိနေတဲ့ Djibouti မှာ  အမေရိကန်၊ ပြင်သစ်၊ အီတလီ၊ တရုတ်နဲ့ ဂျပန် ဆိုတဲ့ စစ်အခြေစိုက်စခန်းတွေ အပြိုင်ထားတဲ့ အခင်းအကျင်း မျိုးကို နစက အနေနဲ့ ပုံဖော်သင့်ပါတယ်။ ဒါကစီးပွားရေးအရလည်း ရေရှည်အပြိုင် ဖြစ်စေတဲ့ မက်လုံးဖြစ်သလို လုံခြုံရေးအပိုင်းမှာလည်း ကြိုတင် ကာကွယ်ပြီးသား ဖြစ်စေ မှာပါ။ ------ ယူဆချက်သာ မမှားဘူးဆိုရင်…မကြာတော့တဲ့ ဒီကာလအတွင်းမှာ ကြီးကြီးမားမား အကျိုးသက်ရောက်မှုတွေ ရှိလာပါလိမ့်မယ်။ ရုရှား-မြန်မာ စီးပွားရေး ပုံရိပ်တွေလည်း ထပ်ပြီး မြင်တွေ့လာပါလိမ့်ဦးမယ်။ (နရီမိုး) Min Thu 24.2.2025

Min Thu

Open In TikTok:

Region: MM

Monday 24 February 2025 10:41:03 GMT