@vk_b2: بَين بعينك مَلّل، اي والكَفيل عميه عَينّي الخلتك مَليتني ياهو مثلي الحَبك وحَط روحه بيك ؟ ثَلجه وبنُص موگدك حطيتني چنت أضويلك دَرُب مِن شح ضواك وِمن أجتك وادمك طَفيتني ؟ رَغبه عِندك يا وَسف حسبالي شَوگ ومِن دريت أتنفسك غَثيتني أُمنيتي أضحكك حتى لو أشيّع بابوي ليش بالعَيد الصُبح بَچيتني ؟ رَدتك تودني لَهلي، لمًا عِميت وتالي ما تالي لَلحد وديتني بَعينّي خَليتك عِله عليها السَواد وفُرجه لَـ الله وللخَلگ خليتني يا مسية العافيه عَليك آنه أگول وأنتَ بخشونة حَچي مَسيتني چِنت أشيل الگاع، واركُض مَدري وين مَدري وينك مِن رِحت سَليتني گِتلك الفوگي شَمس والحَدري نار وأنتَ كَثرت الحَطب چَويتني رَدتك تحافُض عَلي وتضُمني بيك اي لَيش يم جمعة غجر غنيتني ؟ گِتلك عيوني عَمنّ بَس تگضني أشوف وأنتَ يم شامت ولك هَديتني قَشمرتني بـ ها حَبيبي وبَعد ابوي ومَدري بأسماء شكثُر سميتني راح أصدگ بالحسَب نجمات لَيّل وما أصدگ مِن صدگ حَبيتني .#شعر_شعبي #fyp #شعر

عثمان عدنان

Open In TikTok:

Region: IQ

Monday 24 February 2025 17:36:03 GMT