@douhajreada: هاد الفيديو صورتو بآخر زيارة  بحاول دائماً صوّر كل اللحظات .. كل التفاصيل  متل يلي عم يخبي " المونة " لوقت الحاجة  بصور و برجع بعيش سنة كاملة عالصور 😭 بالرغم من كل الرفاهيات اللي هون، ما في شي بيعوضني عن ساعة وحدة بالبلد. هاد مو كلام شاعري، هاد حقيقة.  الأرض مو مجرد حدود أو حجارة، الأرض هي الذكريات اللي محفورة جواتنا، هي الأماكن اللي شهدت على أحلامنا، وهي الوجوه الطيبة اللي كبرتْ بينها، وتعلمت منها، وتقاسمت معها الخوف والأمل تحت نفس السما. ما في شعور بالدنيا بيعادل شعور الانتماء للأرض. ما في غربة بتقدر تمحي صوت الشوارع اللي كبرت فيها ، صوت ولادا و ضحكاتن ، ريحة التراب بعد الشتا ، وما مسافة بتخليني أنسى تفاصيل الناس اللي شكّلت جزء مني.  أنا بنت هالأرض، بنت ناسها و  بحب انتمائي وبفتخر فيه.  #أنقذوا_القنيطرة.

DouHa Jreada

Open In TikTok:

Region: AE

Wednesday 26 February 2025 15:47:23 GMT