«САРЫАҒАШ СТ.», «ҚАПЛАНБЕК», «ҚАЗЫҒҰРТ» КЕДЕН БЕКЕТТЕРІНДЕ СЫБАЙЛАС ЖЕМҚОРЛЫҚТЫҢ АЛДЫН АЛУ БАҒЫТЫ ЖӘНЕ ӘДЕП ҚАҒИДАЛАРЫН САҚТАУ ЖӨНІНДЕ ЖИЫН ӨТТІ Ағымдағы жылдың 28 ақпанында Түркістан облысы бойынша Мемлекеттік кірістер департаментінің басшысы М.Нурахаевтың төрағалығымен және Департамент басшысының орынбасары Е.Аринов, Кедендік әкімшілендіру басқармасының басшысы С.Маликов, Қызметтік тергеп-тексеру бөлімінің басшысы Б.Пахридинов, бас маман Ж.Байғұт Сыбайлас жемқорлықтың алдын алу бағыты және Әдеп қағидаларын сақтау жөнінде Кеден бекеттерінің жеке құрамының қатысуымен жиын өткізді. Мақсат Екматқұлұлы Сыбайлас жемқорлық-мемлекеттің қоғамның дамуына тежеу болатын, болашағына кесірін тигізетін індет екендігін және мемлекеттік қызметшілерге қойылған шектеулерді ұмытпау қажеттілігін, әрбір қызметкерге бекітілген жұмыстарды уақытылы және сапалы орындап, сыбайлас жемқорлықтың алдын алу, сыбайлас жемқорлық фактілеріне жол бермеу, әдеп кодексінің талаптарын қатаң сақтау керектігін атап өтті. Ербол Асатайұлы Сыбайлас жемқорлықпен күресу бүгінгі күннің күрделі мәселесіне айналғанын және онымен тұрақты түрде күресу, әрбір қызметкер өздерінің қызметтік міндеттерін, әдеп қағидалары мен қызметтік тәртіпті қатаң сақтап, сыбайлас жемқорлыққа жол бермеуге, әріптестерімен қарым қатынаста тек қана іскерлік әдепті, мәдениетті сақтау қажеттігін баса айтып өтті. Берік Батырұлы өз баяндамасында Департаменттің Адам ресурстары басқармасы Сыбайлас жемқорлыққа қарсы мәдениетті қалыптастыру мақсатында жыл басынан бастап, ақпараттық және ұйымдастырушылық сипаттағы шара кешендерін жүзеге асырып отыратындығын, сондай-ақ адамгершілік, зияткерлік, мәдени тұрғыдан дамуға және сыбайлас жемқорлықты қабылдамаудағы белсенді азаматтық ұстанымдарды қалыптастыру үшін, тәрбиелеу мен оқытуды үздіксіз жүргізіп отыратынын айтып өтті. Оған қоса, лудоманияға қатысты «Ойын бизнесі туралы» Қазақстан Республикасының Заңынаенгізілген өзгерістер мен толықтыруларға қатысты баяндама жасады. Бұдан былай, Мемлекеттік қызметшілер "Ойын бизнесі туралы" Қазақстан Республикасының Заңында көзделген анықтамаға жататын ойын мекемелерінде құмар ойындарға және (немесе) бәс тігуге қатысу, сол сияқты құмар ойындарға және (немесе) бәс тігуге сол үшін бөлінбеген орындарда қатысу немесе телекоммуникация желілерін, оның ішінде Интернет желісін пайдалану арқылы өткізілетін құмар ойындарға және (немесе) бәс тігуге қатысу бойынша сыбайлас жемқорлыққа қарсы шектеулерді қабылдау көзделген. ҚР «Сыбайлас жемқорлыққа қарсы іс-қимыл туралы» Заңының талаптарына сәйкес, Сыбайлас жемқорлыққа қарсы шектеулерді қабылдамауы лауазымға қабылдаудан бас тартуға, не жұмыстан шығаруға (атқарып жүрген лауазымынан босатуға) негіз болып табылатынын айтып өтті. Түркістан облысы бойынша МКД Баспасөз қызметі #кеден #сыбайласжемқорлыққажолжоқ #әдеп #таможня #неткоррупции #этика - @berik11i