@user1jkr9l1fgxq: សូមព្រះបរមរាជានុញ្ញាត​ ក្រាបបង្គំទូលថ្វាយព្រះពរ សម្តេចព្រះអគ្គមហាសង្ឃរាជាធិបតី នន្ទ ង៉ែត សម្តេចព្រះមហាសង្ឃរាជ​ នៃព្រះរាជាណាចក្រកម្ពុជា​ ជាទីគោរពសក្ការៈដ៏ខ្ពង់ខ្ពស់បំផុត! ក្រោយថ្ងៃរំដោះ ៧ មករា ១៩៧៩ សម្តេចព្រះអគ្គមហាសង្ឃរាជាធិបតី នន្ទ​ ង៉ែត​ បានចូលរួមចំណែក និងបានខិតខំប្រឹងប្រែង​រួមគ្នាជាមួយ រដ្ឋាភិបាល ក្នុងបុព្វហេតុកសាង និងលើកស្ទួយវិស័យព្រះពុទ្ធសាសនាឡើងវិញឱ្យបានរីកចម្រើនរហូតមក ដល់បច្ចុប្បន្ន ដែលវិស័យនេះត្រូវបានបំផ្លិចបំផ្លាញទាំងស្រុង ក្នុងរបបប្រល័យពូជសាសន៍ប៉ុលពត។ សម្តេចព្រះមហាសង្ឃរាជ​ នៃព្រះរាជាណាចក្រកម្ពុជា​ បានលះបង់បូជាព្រះកាយពល និងព្រះបញ្ញាញាណដោយមិនខ្លាចនឿយហត់ ក្នុងបុព្វហេតុដ៏ថ្លៃថ្លា ជាពិសេសក្នុងការលើក ស្ទួយវិស័យព្រះពុទ្ធសាសនាឡើងវិញ ដែលជាសាសនារបស់ជាតិ សម្រាប់ជាឧត្តមប្រយោជន៍ដ៏ធំធេងជូនជាតិ ក្រោម​ បាវចនា ជាតិ សាសនា ព្រះមហាក្សត្រ។ ក្នុងឱកាសដ៏នក្ខត្តឫក្សវិសេសវិសាលថ្លៃថ្លា​នៃព្រះរាជពិធីស្រោចស្រពព្រះសុគន្ធវារី​ នាពេលខាងមុខនេះ​ ទូលព្រះបង្គំខ្ញុំព្រះករុណា​ សូមលើកហត្ថបួងសួងដល់គុណបុណ្យព្រះរតនត្រ័យ គុណកែវទាំងបី វត្ថុស័ក្តិសិទ្ធិទាំងឡាយក្នុងលោក ទេវតាថែរក្សាព្រះរាជាណាចក្រកម្ពុជា ទេវតាថែរក្សាព្រះមហាស្វេតច្ឆត្រ សូមយាងអភិបាលរក្សា និងប្រោះព្រំនូវព្រះសព្ទសាធុការពរ ថ្វាយចំពោះ សម្តេចព្រះអគ្គមហាសង្ឃរាជាធិបតី ជាទីគោរពសក្ការៈដ៏ខ្ពង់ខ្ពស់បំផុតសូមមានព្រះរាជសុខភាពល្អបរិបូរណ៍ ព្រះកាយពលមាំមួន ព្រះបញ្ញាញាណភ្លឺថ្លា វាងវៃ ព្រះជន្មាយុយឺនយូរ និងប្រកបដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។ ថ្ងៃចន្ទ ១២កើត ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១០ ខែមីនា ឆ្នាំ២០២៥

Vichc Hheka

Open In TikTok:

Region: KH

Monday 10 March 2025 13:33:31 GMT