@toshka_98: بحبك ليه ؟!! بحب ملامحك الجاده في أي نقاش بيبدأ جد واحب عيونك الحادة في يوم ما تحطي حد لحد بحبك الجزر في جنونك واحبك لو تقولي يا مد بحبك لما تبني السد واحبك لما بتعديه بحبك ليه ؟!! بحبك وانتي مختاره تراك مزيكا علي ذوقك بحبك وانتي تقلانه وقافله الدرج على شوقك بحبك وانتي واثقة أكيد بإني مفيش جمال فوقك بحبك لما بتقولي نهينا كلامنا بدي ارتاح واحبك لما بتقولي وحشني كلامنا قلبي متاح بحبك وانتي بتطيري في ارضي وانتي فارده جناح بحب جمالك الهادي ورقة وشك النادي انا اول محبينك يا أجمل واحده في بلادي وصاحب حق وصف عنيكي لما تبصي في يوم عادي بحبك وانتي كاشفه الجرح واحبك وانتي بتخبيه بحب دلالك القتال وقت ما تفردي قلوعك وسايبه شعرك الشلال يزين ليله في ضلوعك بحب الضحكه لما ترف واحب اللمعه في دموعك بحب المشي في رجوعك وشطك لما بتمديه بحب روايحك الزاهيه يا فخر الورد في البساتين واموت من اللخبطة في داهيه إذا زاح الهوا الفساتين بحب القعدة وياكي في ساعة ود نتسلى واحب السعي في هواكي إذا سهم الغرام جلى تكون نظراتي منحلة تصدي هوايا وتربيه وشعري اللي انا كتبته وزنته في راسي وحسبته لقتني سرقته ونسبته لنفسي بعد ما كتبتيه بحبك ليه ؟!! لما سالتيني بحبك ليه مالقتش كلام اصلا يتقال شوفي لو اتجمع شوق وجنان وادب وحنان وسلام وامان مع بنت حلال قبلك حبيت كنت مفكر ان انا حبيت بس قابلتك بعدها ولقيت الحب بشكل جديد خالص كان ديما في حاجه متظبطش كان في ديما في احساس ناقص ولأني محبكها زياده وبحب الشئ يبقى مثالي قلت هكمل وحدي ويمكن تحصل زي ما هي في بالي لما قابلتك بالصدفة قلتي تعالى قولت تعالي شرفتي حياتي ونورتي وحجزتي مكان دخلتي الدنيا وغيرتي في عيني الالوان بالظبط اللي انا عاوزه لقيته واحده تكون للواحد بيته وقابلني جنانك حبيته ودي مش شخصيتي ولاطباعي سميت ايامي بلا وجودك ايام متعاده وبلا داعي حبيتك ليه وده برضه كلام يانصيبي الحلو يا فرحي الخام دي اول مره اقرر شيء والقاني أصبت لو شافوا الرسمه اللي راسمها تطلعي بالظبط ايوه بحبك ومافيش اسباب دنيتي قبلك مكتوبه غياب مرتاحلك وكأني اتربيت انا وانتي في بيت والباب في الباب وكفايه انك قابله عيوبي وانا فيا عيوب علشانها اتساب عصبي ومودي وسكوتي كتير عدو حدودي ستات طوابير وسابولي تاريخ مش احسن شيء كونك قابلاني دي تتشالك وجميل ع الراس وكفايه انك عارفه وقلتي حباك وخلاص وانا والله بحبك واعمل عين الحراس اوعدك اني عمري ما اخون الوعد المقطوع فرحك واجبي زعلك ممنوع ياالشيء بالظبط يا أجود نوع هتكوني تملي في تفكيري صلب الموضوع وافضل بحميكي من الدنيا واخد ضرباتها وانا مكانك انا قبلك ضيعت حياتي والباقي مخليه علشانك ربنا يجبر خاطرك علشان واخده بايدي علشان وياكي لقيت نفسي ولقيت عيدي ويعلي في شانك وحنانك واذا قلوا الناس انتي تزيدي ياشعاع النور يا غطايا من الايام البور ياحموله ومرضيه بشيلتك تفضلي ديما كل اصحابي ويقدرني اني افضل عيلتك بحبك ليه ؟!! شغلني سؤالك المدهش وانا على وش الف جواب اجيب عن حبي رد منين وفي مليون سبب يتجاب بحبك ياللي خليتي لحياتي وجود واحبك ياللي فرقتي في حياتي ورورد بحبك لما اه ممكن واحبك لما كان مفروض متسألنيش بحبك ليه جوابي هيستمر سنين وكل كلامي ما هيخلص هتظهرلي حجات تانيين فيكفي اكون انا الشخص اللي خد قلبك ويكفي أكون انا الشخص اللي بتحبيه سألتيني السؤال ده زمان وجه الوقت اللي أجاوبك فيه .

تــــــايـــــه‍🥲

Open In TikTok:

Region: EG

Tuesday 11 March 2025 23:22:23 GMT