@wad.muhammad881: #CapCut > الثقة بالنفس حاجة مهمة جدا جدا مهما اتكلمت عن الحاجة دي ما حوفي وأكفي ما تستهين بنفسك أو تصغرها صح ربنا ما خلق الناس واحد وفي تفاوت بين البشر بس برضو ربنا كرم الانسان بنعمة العقل ودي نعمة كبيرة الحمد لله في نفس الوقت ما تغتر بمستواك لو كان كويس شديد ودي حاجة ما كويسة نهااائي ،قال تعالى:*﴿ إِنَّ اللَّهَ لَا يُحِبُّ مَنْ كَانَ مُخْتَالًا فَخُورًا ﴾* يعني الموازنة بين الحاجتين ديل مهمة شديد وبذات في الامتحان (بالنسبة للخوف ) صح من الطبيعي الزول يكون خايف لكن الخوف الزايد ممكن يروح تعبك ما تعبك بس أحلامك وطموحاتك ومستقبلك . واهم شي قوي علاقتك مع ربنا نفسك محتاجة انك تغذيها بالقرآن والأذكار ودا ما لتالت بس كل حياتك خليك قريب من ربنا لأنو حتكون مطمئن ومرتاح ، وأهم شي لازم نتوكل على الله ونعرف انو أي حاجة مكتوبة ومقدرة وفي النهاية تالتة دي بس بداية طريقك عشان تضع بصمتك ، لازم تجاهد عشان تحقق أهدافك وتثبت وجودك وزي ما قال الشاعر: *وَما نَيلُ المَطالِبِ بِالتَمَنّي* *وَلَكِن تُؤخَذُ الدُنيا غِلابا* *وَما اِستَعصى عَلى قَومٍ مَنالٌ* *إِذا الإِقدامُ كانَ لَهُم رِكابا* ومهما كانت الأوقات دي عصيبة وحسيتوا بأنكم مضغوطين وتعبانين أعرفوا إنها فترة وحتعدي بإذن الله تعالى وحتجي أوقات أصعب منها تالت بسيطة ما محتاجة إنه نكبرها ونديها أكبر من حجمها حاولوا إنكم تنظموا وقتكم وتوازنوا يعني ما عشان أنا في تالت وقتي كله يكون قراية *(وبالنسبة لطريقة القراية دي بتختلف من زول للتاني أي زول عنده طريقة بتنفع معاهو ما معناها عشان دا أول الشهادة السودانية ولا من المية الأوائل معناها طريقته هي التوب أقرأ بالطريقة البتناسبك وبس )* الراحة مهمة والترفيه مهم برضو بس في *حدود المعقول* وإذا حسيت بإنه نفسك تعمل حاجات كتيييرة *(رفاهيات زايدة )* وممكن تأثر على قرايتك أكتبها في ورقة لمن تنتهي من تالت أعملها وكل يوم لازم مما تصحى من النوم تخت هدفك قدامك وتكون متفائل بإنك حتقدر تحققه وأطرد فكرة *(ما بقدر )* من رأسك وقول لنفسك دايما : أنا قدرها إن شاء الله💞 #جرعة_أمل #خليك_ مع_ربنا #ربنا_معاك
