⚡️ Қызылорда қаласының Тасбөгет ауданында ер адам жұбайын қызғаныштан соққыға жығып, ауыр жарақат салған. Журналист Жазира Бегалы бұл оқиғаға кездейсоқ куә болған. Ол Тасбөгет аудандық полиция бөлімінде сұхбат алуға келгенде, ауруханада болған жағдайды видеоға түсіріп үлгерген. 🔹 ОҚИҒАНЫҢ ЖАЙ-ЖАПСАРЫ Сәуле Әкімова дәрігерден күйеуінің медициналық порталы туралы сұрамақ болған. Бірақ сол үшін жұбайының ашуына тиіп, таяқ жеген. Өзі сол ауруханада тазалықшы болып жұмыс істейді. – Күйеуім ұрып-соғып, екі қабырғам сынғаны туралы анықтама бар. Портал жайлы сұрағаным үшін дәрігер оны жұмысқа шақыртып, жағдайды ушықтырды, – дейді ол. Ал күйеуі Қанағат Күлмәшов бұл оқиғаға қатысты: – Дәрігер әйеліме бірдеңе айтып, жанжал шықты. Салдарынан осындай жағдай болды, – деп қысқа қайырды. Алайда Сәуленің сөзінше, жолдасы қызғаныштан жиі қол көтереді. 🔹 «МЕНІҢ ӘЙЕЛІМ – ҚАЛАСАМ, СЫНДЫРАМЫН» Жазира Бегалы күдіктінің полицияның көзінше не айтқанын жеткізді: – Бұл менің әйелім, қаласам – сындырамын. Сотқа беремін, бұл – менің отбасымның шаруасы! – деп айбат шеккен. Тәртіп сақшылары оны алып кеткенімен, журналист полиция әрекетіне күмән келтіреді: – Әйел жылап отыр, ал күйеуі өзін батыр сезініп жүр. Камераны қосқан соң ғана полиция қимылдай бастады, – дейді Жазира Бегалы. Ол Дағдарыс орталықтарына да назар аударды: – Қызылордада осындай әйелдерге көмектесетін екі орталық бар. Мемлекеттен миллиондаған қаржы бөлінген. Бірақ Сәуле ол жайлы білмейді. Себебі ақпарат жоқ. Ал полиция оның шағымын бірден қабылдауға асықпады, – деп атап өтті журналист. 🔹 КҮДІКТІНІҢ УӘЖІ Қанағат Күлмәшов өз әрекетін ақтауға тырысқан: – Билікті әйелдерге беріп қойған. Қазақстанның заңы шіріген. Қаншама еркек әйелдің кесірінен түрмеде отыр, – деген ол. Қазір Сәуле Әкімова Қызылорданың Дағдарыс орталығына орналастырылды. Ал күйеуі полицияға «Әке-шешем науқас» деп ақталған. 📌 @zhazirabegaly_tv #қызылорда #ерлізайыпты #врек #рек #рекомендации #kz #bilgendurys - @bilgen.durys