السلام عليكم...... شفت هواي بنات كاتبات قصتهم وتشجعت اكتب قصتي. اني اسمي نور عمري 18 يمكن تكولون بعدج صغيره على هذه المواضيع بس صارت بعد المهم بدت قصتي بالثالث متوسط بالمراجعة جنت ارجع كيمياء ومابقه غير 15 يوم للوزاري دخل باب وكال ابن عمج سوه حادث وانخبص البيت جان ابن عمي العائله كلهه تحبه ومعروف عنه مؤدب وخلوق المهم رحنه لبيت عمي وبقيت عدهم يومين وهو جان بعده داخل مستشفى وجان عنده كسور بجسمه ابن عمي بهذاك الوقت جان عمره 20 سنه اني ماكدرت ابقه أكثر من يومين لأن جنت أقره ف بابا رجعني اني وماما لأن ماكدر ابقه وحدي وبقن اخواتي اثنين هناك رجعت للبيت مالتنه الساعه ب12 بليل ومن التعب كبل نمت كعدت الصبح غسلت وتريكت وكعدت اريد أقره وصاحتلي ماما اخذت جهازي ورحت اشوفهه وصلت للصاله وعثرت ونكسر جهازي حيل نقهرت لأن دراستي وصديقاتي كلهه بهذا الجهاز المهم ماما انطتني جهازهه وحولت كل برامجي بي بعد ماشبعت بجي وقهر على جهازي للعصر كالو علي ابن عمي طلعو من المستشفى مارحت لبيت عمي من طلع ولا تحمدتله بالسلامه لأن جانت علاقتي بي مو كلش قويه واني استحي منه كلش بس جنت حيل معجبه بي واهلي ماقبلو اروح علمود الامتحانات وره فتره تشافى ابن عمي وصار زين واني امتحنت وزاري وجنتت كلش خايفه انو ارسب لو اعيد السنه وطولت النتائج 31 يوم اعصابنه تلفت وصرت لا اكل ولا اشرب كل تفكيري بل نتائج فتره جنت اكلب بل انستا ولكيت حساب ابن عمي واني منا مكرشه علي 😂 صارت ببطني فراشات وهو عرفني لأن جنت مخليه صورتي وراسلني وراسلته شوي وصار بس يشوف ستورياتي واني هم ورا فتره بعد مرور مليون سنه نشرو نتائجنه واخيرا الساعه ثمانيه الصبح جنت نايمه واختي كاعده الصبح لكت النتائج وخافت تطعدني ليصير بييه شي فهيه طلعت النتائج والحمد الله نجحت من الدور الأول وكعدوني مصدومه من نفسي ولحد هسه مصدومه المهم نشرت ستوري نتيجتي وماعرف شنو ف علي راسلني وباركلي ورديت عليه للعلم علاقتي بعلي جانت كلش سطحيه ومبيناتنه غير السلام ومرات اغلس ما اسلم ورا مانجحت صار علي يراسلني هلو شلونج ويدزلي ريلزات اخذنه فتره زينه احنه نحجي وبيوم بليل جنت دأحجي ويا وصرنه اصدقاء كلش واني اكله انت مثل اخوي وهو هم يكلي هيج جان كال أكلج نور اريد اعترفلج بشيي؟؟ اكمل؟؟؟؟؟؟؟ #العراق #بصره #الشعب الصيني ماله حل #نور #قصص - @noa0r3