@malimkz: Ұлытау облысы Полиция департаментінде нашақорлықтың алдын алу және есірткі қылмыстарына қарсы күрес жөніндегі жаңа кеңестің алғашқы отырысы өтті. Кеңес Қазақстан Президентінің тапсырмасына сәйкес құрылып, Үкіметтің 2023 жылғы маусымдағы №508 қаулысымен бекітілген 2023–2025 жылдарға арналған кешенді жоспарды іске асыруға бағытталған. Кеңестің негізгі мақсаты – өңірде есірткі қылмыстарының алдын алу, жастар арасында салауатты өмір салтын насихаттау және азаматтарды белсенді әрекетке тарту. Кеңес құрамына полиция қызметкерлері, қоғамдық ұйым өкілдері, сарапшылар, блогерлер, спортшылар, журналистер мен еріктілер енді. Кеңесті полиция полковнигі Ербол Қайырбеков басқарады, ал оның орынбасарлары ретінде полиция полковнигі Ерлан Оспанов пен азаматтық қоғам өкілі Дастан Жақаев тағайындалды. Алғашқы отырыста алдағы жұмыс жоспары талқыланып, нашақорлықпен күресте мемлекеттік және қоғамдық ұйымдармен тығыз ынтымақтастық орнату туралы уағдаластық жасалды. #нашақорлық #кеңес #ұлытауоблысы

Malimkz

Open In TikTok:

Region: KZ

Monday 07 April 2025 07:06:18 GMT