@honfaahiye3: Abwaan Col. Maxamud Cismaan "fool-dhuub" Maxamuud Ciismaan Fool-dhuub oo loo garan ogaa Jiifka kaliya ma uusan ahayn abwaan ee waxaa kale uu ahaa sarkaal ka tirsanaa ciidankii XDS, wuxuuna ka soo shaqeeyey Qaybtii 21aad ee Dhuusa-marreeb, Qaybtii Waqooyi ee 26aad iyo Qaybo kale oo ka mida waaxyihii CXD; wuxuu ka mid ahaa Ciidankii dagaalkii Soomaaliya iyo Itoobiya ee 1964-tii ka qayb qaatay iyo kii dambe ee 1977-dii wuxuuna ku qaatay billad geesi iyo dallacsiin uu ku mutaystay dagaalka iyo guubaabinta ciidanka maddaama uu ahaa hal-abuur iyo suugaan yahan. Wuxuu kale oo ahaa Abwaan iyo Suugaan yahan sameeyey heeso badan, Hobolladii Waabberi iyo Horseed oo ahayd kooxdii Ciidanka ay ku luuqeeyeen kuwaas oo isugu jiray waddani, guubaabo, jacayl, jihayn iyo hoga-tusaalayn; waxaana heesahaas qaaday Fannaaniin waaweyn oo ay ka mid yihiin Hibo-nuuro oo qaadday heesta ( Katashada Cadaawaha oo Isku Tiirsanaada) iyo Cabdi Tahliil oo qaaday (Afar iyo Tobnaad Bila Dayax Waaga Berin Kara), heesahiisa kale waxaa ka mid ahaa: Faadumo Duur oo qaaday (Haddii aan waraaqaha ugu dhiibo weriyaha), Ibraahim Baadil iyo Faadumo Duur oo wada qaaday (Mar haddaynu galabtaba goobayno sheekada caawa aan gam’aayaa). Riwaayaduhuu sameeyay waxaa kamida: Dar xuma iyo nin diidan dagaal baa u dhexeeya, Inta laygu gafaayo guurku hay dabranaado, Ma dhabbaa jacayl waa loo dhintaa, Weysha gawrac dibigu ha ku quustee, Qalad iyo qoomamo, Dakana caashaq ma duugowdo iyo Eeri-dhaban. Waxa uu maxamud darajada ciidanka ka gaaray Gaashaanle Sare, kadib burburkii dalka abwaanku wuxuu qayb ka ahaa aas-aaskii Puntland, waayo badan kadib waxa uu ku geeryooday abwaanku Degmada Dhahar sannadu markay ahayd Oktoobar, 2018-kii. Tixraac: 1. allsanaag.com 2. www.somalinet.com 3. Qoyskiisa iyo xog ogaal. #somalia #arm #somalitiktok #video #mogadishu #viralvideo #for #puntlander🇸🇱 #culture #song

HON-FAAHIYE

Open In TikTok:

Region: SO

Friday 11 April 2025 11:07:52 GMT