@suad_alsalem_resilience: كتير من الأهل لما طفلهم يعمل إشي حلو أو ينجح، دغري بيحكوله: “أنا فخور/ة فيك!” من نيتهم طبعاً دعم وحب… بس اللي ما بينتبهوله، إنه بهيك طريقة عم بيحطوا كل الانتباه عليهم، مش على شعور الطفل بنفسه. ولما الطفل يتعود إنه إنجازه مرتبط برضا الآخرين، بيصير طول وقته يركض ورا كلمة مدح، ورا نظرة إعجاب، ورا تصفيق الناس… وبيفقد أكبر كنز ممكن نعطيه إياه: إنه يفرح لحاله بإنجازه، بدون ما يحتاج حدا يصفقله. إذا بدنا أطفالنا يكبروا وعندهم دافع داخلي (Intrinsic Motivation) يعملوا الصح لأنهم بيحبوا، مش عشان يرضوا حدا، لازم نغير طريقة تواصلنا معاهم. كيف؟ هاي ٣ خطوات بسيطة بتساعدك تعملي هالشي: ١. بدّلي الجملة: بدل ما تحكي “أنا فخورة فيك”، اسألي طفلك: “إنت فخور/ة بحالك؟” أو “شو حسّيتي لما أنجزتي هالشي بإيدك؟” ٢. ركّزي على الجهد مش بس النتيجة: مدحي التعب والمثابرة مش بس النتيجة النهائية. مثلاً قولي: “عنجد مبين قديش تعبتي على شغلك، شو أكتر إشي بتحسيه مميز باللي عملتيه؟” ٣. خلي طفلك يحكي عن نفسه: اسأليه: “لو بدك تحكي لحدا عن اللي عملتيه، شو بتحبي تحكي عن حالك؟” خلي عيونه تلمع لما يوصف حاله لحاله شو أكتر جملة ناوية تستخدميها مع طفلك لتعززي فيه الفخر الداخلي؟

Suad_alsalem

Open In TikTok:

Region: SA

Sunday 20 April 2025 18:00:06 GMT