@cookwithemmy_1: احلى بريوش خفيف و هش و لا أروع اطعم فطار مع كوب شاى أو كوفى … انجوى مقادير البريوش: • 1 كيلو دقيق منخول مرتين ٨ كوب • 4 بيضات صغيرين أو ٣ كبار • 1 كوب زبدة غير مملحة (درجه حراره الغرفه) • 1 ملعقة ونصف كبيرة خميرة فورية • معلقتين كبار زيت • ٤ ملاعق كبيرة نشا • ٤ ملاعق كبيرة لبن بودرة • ¾ كوب سكر • 2 ملعقة كبيرة سكر (لتنشيط الخميرة) • ماء دافئ للعجن (حسب الحاجة) تقريبا كوبين حسب نوع الدقيق • فانيليا (تُضاف مع البيض) للتلميع والتزيين: • 1 ملعقة كبيرة عسل أسود (تُخفف بقليل من الماء) • سمسم محمص طريقة عمل البريوش: ▪️. تجهيز الخميرة: في بولة صغيرة، حطي ملعقة ونصف كبيرة خميرة فورية + 2 ملعقة كبيرة سكر + شوية ماء دافئ. قلّبيهم وسيبيهم يتفاعلوا حوالي 10 دقايق لحد ما يطلع فقاقيع. ▪️. خلط المكونات الجافة: في بولة كبيرة، حطي: الدقيق، لبن بودرة، النشا، السكّر وقلّبيهم كويس مع بعض. ▪️. إضافة المكونات السائلة: ▪️. ضيفي الخميرة والبيض والفانيليا و الماء الدافئ ، بالتدريج وابدئي العجن. ▪️. لما العجينة تلم على بعضها و تحصلي على عجينة طرية وملساء، بتلزق حاجة بسيطة بإيدك. وقتها ضيفي الزبدة السايحة تدريجيًا أثناء العجن، واستمري لحد ما العجينة تمتصها كلها وتبقى ناعمة وملساء وبتشد شوية، ضيفى الزيت واستمري دقيقتين عجن. ▪️ الزبدة ما بنضيفهاش من البداية، لأنها بتمنع تكون شبكة الجلوتين لو اتحطت بدري، وده بيأثر على نعومة العجينة وهشاشتها. ▪️. العجن والتخمير: اعجني العجينة لمدة 10 دقايق، غطيها بفوطة وسيبيها تختمر في مكان دافئ ساعة أو لحد ما يتضاعف حجمها. ▪️. تشكيل البريوش: بعد ما تختمر، شكّلي العجينة زي ما تحبي (ضفاير، كُرات، رول…) وحطيها في صينية مدهونة زيت أو مبطنة بورق زبدة. ▪️. التخمير التاني: سيبي البريوش المشكّل يختمر تاني حوالي 30–45 دقيقة. ▪️. التلميع والتزيين: في طبق صغير، قلّبي ملعقة عسل أسود مع شوية ميه، وادهني بيها وجه البريوش. رشي سمسم محمص من فوق، اتركيه يختمر لمده ٢٠ دقيقه ▪️. الخبز: دخّليه فرن سخن على درجة حرارة 180–200 مئوية لمدة ١٥:٢٠ دقيقة أو لحد ما ياخد لون دهبي جميل. ▪️. اختياري: بعد ما يطلع من الفرن، ممكن تدّيه دهنة بسيطة زبدة سايحة على الوش عشان يلمع ويفضل طري. #بريوش #بريوش_هش #بريوش_بيتي #بريوش_محشي #خبز_بريوش #معجنات #فطور_بيتي #وصفة_اليوم #بريوش_هش_وخفيف #مخبوزات_منزليه #بريوش_رقيق #اكل_بيتي #brioche #briochebread #homemadebrioche #fluffybrioche #sweetbread
