@sarasalemsaad: نشاط اللمسة الآمنة وغير الآمنة طريقة تفاعلية نعلم بيها اطفالنا ازاي يميزوا اللمسات الآمنة وغير الآمنة والمُحيّرة باستخدام ألوان إشارة المرور! أخضر = آمن | أصفر = حذر، مشروط | أحمر = غير آمن وندي أمثلة من واقع حياته وتعاملاته، وان اللمسات دي للاهل والاصدقاء. اي حد غريب منعرفهوش فكل جسمنا أحمر وممنوع حتى سلام الايد. الاستفادة من النشاط : - معرفة الطفل لحدوده الجسدية واستقلالية جسمه. - احترام حدود الآخرين. (نقدر نعمل نموذج لجسم بنت كمان حتى لو النشاط لولد ونفهمه حدود كل نوع) بالاضافة للاستفادة الحركية والحسية من - تقوية عضلات اليد - تحفيز حاسة البصر وحاسة اللمس. - وتحفيز الفضول والاستكشاف . السن: ٣ -٦ سنوات ايه اللي نقدر نعمله مع الأطفال الاصغر، عشان يعرفوا حدود جسمهم؟ - من اول يوم بعرف الطفل انه المتحكم الاول في جسده، وقت التغيير بعرفه "ماما هتغيرلك عشان نبقى نضاف وريحتنا حلوة " ودا بيتحول مع الوقت لما يكبر لاستذان، انا بستأذنه ان نغير الهدوم أو الدايبر، كتير بنبقى مضغوطين بس نحاول الموضوع دا تحديداً ما يبقاش بغصب او بعنف عشان ما يتقبلش دا من اي حد تاني. - الرضاعة وتغير الحفاض وتغير الهدوم في اوضة مقفولة وفيه خصوصية ولازم يتعود على دا ان مش مفروض حد يشوف جسمنا. - هو بديهي ان البوس من الفم مرفوض بس خليني ناكد ان بالاضافة للامراض دا كمان ضد التربية الجنسية في الاسلام. - مش بغصب الطفل انه يبوس حد او يسلم على حد ايًا كان المسمى هو لو مش مرتاح دا جسمه ودا حقه، مش طبيعي ان اسيب ابني يعيط ويرفص في ايد حد هو رفضه وأقوله عيب بوس طنط ولا عمو. - بعرف الطفل ان المنطقة الخاصة اسمها عورة وممنوع اي حد يشوفها او يلمسها بمصطلحات تناسب سنه، بس مهم اننا نسمى الاجزاء بمسميتها الصح بدون تحريف. - مش بنقول للطفل هات بوسة عشان تاخد حاجة حلوة، ولا بنسمح لحد يساومه كدا، لان دا نفس أسلوب المتحرش بديهات بس ضروري نمارسها بشكل واضح قدام اطفالنا ونشرح ونقول اننا بنعمل دا عشان كذا. في نقط وحاجات كتير جدًا ناخد بالنا منها وكل ما السن بيكبر كل ما بنحتاج نشرح ونتكلم أكتر مع الطفل. خليني اقترحلكم كتاب (المباح من الكلام في التربية الجنسية) اكتر كتاب مفيد شرح بالتفصيل موضوع التربية الجنسية للاطفال وباستناد على تعاليم ديننا الجميل، من اول يوم ولحد البلوغ وازاي نتعامل مع الاطفال لحد السن دا. لو حد محتاجه ممكن يكتبلي كومنت وابعتهوله pdf SafeTouch #UnsafeTouch #ChildSafety #sensoryplayideas #PreschoolActivity #EarlyChildhoodEducation #ProtectKids #ParentingTips
