@suzan.kitchensta: هاي هي الطريقة اللي بتدوري عليها لتعملي أزكى عيش السرايا الحلو اللذيذ اللي برجعنا أطفال ❤️ رح نحتاج : للتوست والقطر: • 6–7 شرائح خبز توست • 2 كوب سكر • 2 ملعقة كبيرة ماء (للكرملة) • 1½ كوب ماء (للقطر) • 1 ملعقة كبيرة ماء ورد للمهلبية: • 6 أكواب حليب • 9 ملاعق كبيرة نشا (اقرأي الملاحظات تحت لمهلبية رائعة ) • نصف كوب سكر (أو حسب الرغبة) • 1 علبة قشطة • 1 ملعقة كبيرة ماء ورد • ¼ ملعقة صغيرة مستكة مطحونة (أو معلقة فانيلا) للتزيين: • فستق حلبي مجروش • كراميل (جاهز أو بيتي) ⸻ الطريقة: 1. حمّصي شرائح التوست تحت الشواية حتى تصير ذهبية ومقرمشة. 2. لعمل القطر المكرمل: على نار هادية، ذوّبي السكر مع ملعقتين مي وحرّكي حتى ياخد لون أشقر، بعدين أضيفي كوب ونص مي وخليهم يغلو دقيقتين، وأخيراً أضيفي ماء الورد. 3. صبّي القطر مباشرة فوق التوست وهو سخن، وخليه يتشرّب. 4. لطبقة المهلبية: اخلطي الحليب مع النشا والسكر على البارد، وحرّكي على النار حتى يثقل القوام. أول ما تطفي النار، أضيفي القشطة وماء الورد والمستكة أو الفانيلا، وحرّكي حتى تتجانس. 5. صبّي المهلبية فوق طبقة التوست، وغلّفيها ودخليها التلاجة ليلة كاملة. 6. قبل التقديم، زيّني الوجه بالفستق الحلبي وخطوط من الكراميل الكمية المثالية من النشا لكل كوب حليب إذا بدك المهلبية تطلع: • متماسكة، تقطع نظيف، وناعمة بالفم (مش صبة باطون!) هي: ١.٥ إلى ٢ ملعقة كبيرة ممسوحة من النشا لكل كوب حليب. يعني لو عندك ٦ كاسات حليب: • استعملي من ٩ لـ ١٢ ملعقة نشا (حسب قوام الحليب والقشطة كمان). نصائحي الذهبية عشان ما تخدعكم المهلبية اولااااا لا تستعجلي حتى لو وجعتك إيدك حتى لو اخدت وقت .. بهدوء: • لو الحليب كامل الدسم، بيمسك أسرع، فـ ٩–١٠ ملاعق بيكفوا. • إذا بدك ملمس حريري أكتر، ممكن تخلطي بين النشا وملعقة طحين صغيرة. • وضروري جداً ما تطولي الغليان، أول ما يثقل ويفور شوي طفي النار وضيفي القشطة #عش_السرايا #حلويات_شرقية #وصفات_سوزان #وصفات_كتشنستا #مهلبية #كراميل #مطبخ_بيتي #مذاق_شرقي #الحلى_الشرقي #جدة #محتوى
