@qasym_myqazaq: Қазіргі таңда екі жас болмашы нәрсеге бола ренжісіп, шаңырақ шайқалып жататын кездер көбейді. Мұндай сәтте үлкендердің рөлі аса маңызды. Аталарымыз: “Үлкен елге үлгі, дауласқанға төреші” деген. Ағайын-туыстың үлкендері, ата-әжелер жастарды тез сөгіп, айыптап емес, сабырмен, мейіріммен татуластыруға тырысуы керек. Себебі әрбір бүтін отбасы — бүтін бір ұлттың тірегі. Ал ажырасу — шайтанның ең сүйікті ісі екенін Пайғамбарымыз Мұхаммед (с.ғ.с.) айтып кеткен. Сондықтан, үлкендеріміз – татуластырушы, сабыр мен ақылдың үлгісі болуға тиіс. Сол секілді той — тек қуаныш емес, үлгі көрсететін, тәрбие тарайтын орта. Қуанышта жөн-жосықсыз билеп, өзіне де, атаққа да сын келтіріп жүрген кейбір ақсақалдарға қарап жастар не ойлайды? Ақ сақалдың қадірі кетпеуі керек! Тойда да, топта да қазақы қалыптан, шариғат шеңберінен шықпай, үлкенге – өнеге, кішіге – үлгі болайық. Қадірлі бауырлар, осындай ұлттық һәм рухани ойларды жиі оқып тұру үшін, @qasym_myqazaq парақшасына тіркеліп, қолдап отырыңыздар. Бірлігіміз бекем, дініміз берік, дәстүріміз тұғырлы болғай! #әрқазақменіңжалғызым #рекомендации #ажырасу

qasym_myqazaq

Open In TikTok:

Region: KZ

Sunday 04 May 2025 14:46:02 GMT