يوم من الايام عباس مرابط على الساتر فاقترب منه احد الإعلاميين قبل أن يصل له كله خوية تره مالي خلكك كفيلك العباس ابو فاضل وما أريد احجي خاف الك نية تسولف وياي اني من اهل ميسان وبقضاء الميمونة اهلي،،، وعمري سبعطعش سنة والبندقية مالت جدي والنعال مال خالي وحذاء ما عندي والجواريب مال ولد نزل مجاز لاهلة وعايفهن يمي بعد عندك شي ؟؟؟؟ فقلت له لهاي الدرجة انت ضايج مني !! فقال وهو يجلس على الارض لا والله ما ضايج منك بس اني مريض والحمزه ابو احزامين والكلام مو زين عليه وبردان كلش من رجليه واني بالاساس بيه روماتيز.... هذا الكلام في منطقة النباعي في حزام بغداد كانت منطقة ميته كل شيء فيها مهجور ومخيف حتى معامل الحصى والعجلات متروكة واعمدة واسلاك الكهرباء متساقطة وفي تلك الدروب الترابية التي تتفرع من عدة زوايا جلست الى جانب شاب صغير لم يخط شاربه بعد والبندقية تبدو كبيرة بيده وكان الجلوس على مكان اشبه بالتل الترابي لطريق يتصل بمناطق الدواعش تم قطعه بالتراب ..... بعد ان قال الشاب عباس اني بردان امسكت قدمه واردت ان اقيسها بيدي لعلها تأتي على قياسه فأعطيه حذائي فقال لي ) وروح ابوي ما اخذها منك لو تصير مدرعة مو حذاء من كل وعقلك اخذ حذائك واخليك بردان اني بعد شوي وي ظلام الدنيا الف رجليه بوصله وبحيل الله ادفه فشلت كل محاولاتي في اقناعه فقال لي وهو يبحث عن كطف الارض خويه اني طبعي طبع دراويش لا حسبالك طفل وما خاط شاربي واني من اجيت لهنا تره بعقل مو واني بالميمونة بولايتي عندي كاروبه اشتغل بيها انقل حلال وزرع ومعيش روحي واهلي ومن صارت حرب داعش حلمت حلم چن جماعة ماخذين كاروبتي وحاطين بنات السلف ويصيحون للبيع بلاشفزيت سولفت الحلم لجدي صفك بيده جدي حيل وامي كالت كاروبتك يعبوسي بيها عطل وثاني يوم هم حلمت نفس الحلم وابوي المرحوم اجاني بعالم الطيف وكال بوية عباس روح للجبهة تره خواتك وبنات عمك وبنات السلف ينباعن صدگ اذا ما تروح گعدت الصبح سولفت الحلم انطاني جدي البندقية وامي انطتني اوزار ابوي هالتشوفني محزم بي وهاي صارلي شهرين ما شايفهم تيبست الكلمات في فمي واحسست بعطش شديد رغم برودة الجو من هذا الصبي الذي ترك اهله وكاروبته ونسي مرضة وجاء للسائر في ارض موحشة اخرج عباس من جيبه كيس صغير من التمر ووضعه امامي وجلسنا نأكل سوية فقال لي انت تكتب مو شفت بيدك دفتر فقلت له نعم فقال لي خلي اكملك سالفتي خاف تريد تكتب انه بالرابع ادبي وردت اتزوج بنيه من طوايفنا بس ابوها شيخ وما انطوها الي لان مريض وبقيت بحسرة ويوم التحقت فوديت امي علمود نكلها تبريلي الذمة ؟؟؟ تدري شكالت لامي؟؟ گالت لامي كولي لعباس بيناتنه العباس حلمت بي عريس وماخذ وحده تخبل وداير وجهه عني وكوليله خوية مبري الذمه لا اعلم لماذا بكى عباس رغم انه كان يتكلم ويضحك ويأكل عريس وماخذ وحده تخبل وداير وجهه عني وكوليله خوية مبري الذمه لا اعلم لماذا بكى عباس رغم انه كان يتكلم ويضحك ويأكل التمر لكن بكي بحرقة شديدة ثم قال: خويه البنيه ماتت الكهربت وماتت وحق ما حضرت فاتحتها الانه لان صار صار علينه هجوم قوي بالمفخخات ومارحت سلمت على عباس وودعته وبعد اربعة اشهر حضرت احتفالا في النباعي لتأبين الشهداء وبين صور الشهداء ال ٢٣ كانت صورة عباس وهو يبتسم وبيده بندقيته وازار ابيه ولكنه في الصورة كان حافي القدمين نعم حافي القدمين لو كنت املك ما يعينني على ذلك لعملت من هذه القصة فلم سينمائي يحكي قصة وطن خذله الجميع وهوى الى الارض وانتشلته ثلة عجزت وعقمت نساء الارض ان يلدن مثلهم وبتضحياتهم رجع شامخ السلام عليك يا عباس يوم ولدت ويوم جاهدت ويوم استشهدت ويوم تبعث حيا عند مليك مقتدر كثير مثل هذا البطل نالوا الشهادة والأكثر ما زالوا على قيد الحياة هم على سواتر الموت وضعوا القلوب على الدروع #شهداء #العراق #قصص #تكريت #بغداد #شهداء_العراق_ذكرى_لا_ينساها_الجميع - @useriiem4xzycu