@samarnadem: من جرح الهلوسة لدفا الرحمة امبارح كنا السبب الحمدلله في إنقاذ ست كانت بتصرخ من جواها من غير ما تقول ست اسمها عفاف أول ما شفناها كنا فاكرينها واحدة من الناس اللي فقدوا السيطرة على عقلهم وخلاص بس أول ما قعدنا نسمع كلامها حسينا إن ورا الحكاية دي حكايات كتير قوي. عفاف كانت بتتكلم بطريقة باين فيها إنها كانت متعلمة تعليم محترم، ثقافتها واضحة في كل كلمة، بس كلامها كله كان غريب… كانت بتقول إن فيه أشرار بيطاردوها، وإن فيه مقابر وسحر وإنها بنت عيلة كبيرة ومليونيرة كل الكلام ده كان واضح إنه هلوسة بس الهلوسة دي ما بتيجيش من فراغ واضح إن عفاف مرت بصدمة نفسية كبيرة حاجة كسرت جواها حاجات كتير، خلتها تشوف وتسمع حاجات مش حقيقية وده أكبر دليل إن الصحة النفسية محتاجة رعاية واهتمام زيها زي أي مرض جسدي ويمكن أكتر كمان احنا مش عارفين بالظبط إيه اللي حصل لعفاف بس اللي إحنا متأكدين منه إنها اتأذت… واتأذت جامد كمان بس الحمدلله دلوقتي هي معانا في الدار بتضحك بتتكلم، بتشارك ربنا كبير والقلوب الرحيمة بتفرق حنّوا على أهلكم، اسألوا، طبطبوا، اسندوا، لأنكم متعرفوش مين محتاج الكلمة ومين متعلق بيها متسبهومش مرمين في الشارع سمر نديم #دار_سيدات_القصر_زهرة_مصر

samarnadem

Open In TikTok:

Region: EG

Saturday 10 May 2025 15:18:36 GMT