56 ЖЫЛ БОЙЫ АУЫСПАҒАН ГАЗОН ЖАҢАРДЫ: ЖӨНДЕУДЕН ӨТКЕН ҚАЖЫМҰҚАН СТАДИОНЫ😍 Бүгін жөндеуден Қажымұқан Мұңайтпасов атындағы Орталық стадионда «Ордабасы» командасы алғашқы ойынын өткізді. Бұл тарихи сәт – тек футболсүйер қауым үшін ғана емес, бүкіл қала тұрғындары үшін көптен күткен тарихи сәт. Стадионды қайта жаңарту жұмыстары қала әкімінің тапсырмасымен жүзеге асты. 1969 жылы ашылған нысанның табиғи газоны осы күнге дейін бірде-бір рет ауыстырылмаған еді. Енді алаңға жаңа табиғи жамылғы төселіп, автоматты суару жүйесі орнатылды. Жаңарту тек алаңмен шектелмейді. Жөндеу жұмыстары аясында барлық орындықтар ауыстырылып, ерекше стильде әрленді. Ескі жүгіру жолдары алынып, олардың орнына халықаралық талаптарға сай жаңа жабын төселді. Бұрынғы баннерлердің орнына LED-экрандар қойылып, заманауи мультимедиялық табло іске қосылды. Сонымен қатар, негізгі командаға арналған жаттығу және қалпына келтіру блогы салынды. Бапкерлер мен қосалқы ойыншыларға арналған жаңа әрі ыңғайлы орындар орнатылды. Мүмкіндігі шектеулі және әлеуметтік осал топтағы жанкүйерлер үшін де қолайлы жағдай жасалды. Бұл жаңартулар – тек спортшылар үшін емес, барлық жанкүйерлерге жайлы жағдай жасау мақсатында қолға алынған маңызды қадам. - @life_shymkent17