@kymbat_abildakyzy: Аман- жақсысыздар ма, ойлы оқырманым? Өмір де, көңіл де тыныш болуын тілеймін! Жұмыста еңбегіміз жанып, ісіміз берекелі болу үшін ұжымының әр адамына адал көзқараспен, сый- құрметпен қарау керек. Береке-бірлік, тату тірлік ұжымды алаламаудан басталады. Рас, әр адамның жаратылысы, мінез- құлқы, қарым- қабілеті әр басқа. Лайықты басшы соны іші біліп, орынымен бағыттап, толықтыруға болады. Баламен жұмысқа, әсіресе, ай сайын тасқа басылып шығатын журнал дайындауға - тәуекел ететін маман жоқтың қасы. Өйткені білім- білігі түгел көзге көрініп тұрады. Қазақ баласына жарқыраған бір журнал керектігіне әбден көз жеткен соң ашқан "АЙГӨЛЕКтің" 25 жылында мен не көрмеді десеңізші!? Қазіргідей бар бейнеті бір өзіме түскен, сол еңбекті - баласына, оқушыға жаздырып беретін не ата- ана, не мұғалім, не тәрбиеші оқудан алыстап кеткен уақытта ұжым ұстау қайдан оңай болсын!.. Мына айналайындар- оқумен тәрбиеленген, өзіне сенген жас мамандар, ғалым-ұстаздар. Неше жылдан бері туған қыздарымдай қолғанатым, жас күш- жігерім болып келеді. Мен бәрімен доспын. Бір- бірімізді айтқызбай түсінеміз. Көңілімізді көзімізден танып тұрамыз. Осы жолғы дастархан билігін АЙДОНҒА ( Айдана) бергем. Ресторанына да, ас мәзіріне де, ойынына да - өзі жауапты болды. Бәрі тамаша, бір мәз болып қалдық. Бұл да - тәрбие. Солай ма?!

kymbat_abildakyzy

Open In TikTok:

Region: KZ

Sunday 11 May 2025 20:16:06 GMT