📢Россия Федерациясынын аймагында жүргөн жана көзөмөлгө алынган адамдардын (миграциялык мыйзамдарды бузгандардын) реестрине киргизилген Кыргыз Республикасынын жарандарына 2025-жылдын 10-сентябрына чейин алардын укуктук абалын жөнгө салуу мүмкүнчүлүгү берилгенин жана аталган реестрден чыгарыла турганын маалымдайбыз. Россиядагы укуктук статусуңузду жөнгө салуу үчүн төмөнкү даректерге кайрылсаңыз болот: • Россиянын Ички иштер министрлигинин миграциялык бөлүмдөрү; • Россиянын Ички иштер министрлигинин «Паспорттук-визалык борбор» Федералдык мамлекеттик унитардык ишканасынын (ФСУЕ «ПВС») кайсы болбосун филиалы иш жүзүндө жашаган жери боюнча); • Москва шаарынын мамлекеттик бюджеттик мекемеси «Көп функционалдуу миграциялык борбор» Сахароводо (Москва шаарында жашаган жарандар үчүн). Консультация алуу үчүн Кыргыз Республикасынын Россия Федерациясындагы Элчилигине же Консулдуктарына да кайрылсаңыз болот. Көзөмөлгө алынган адамдардын реестринен чыгаруунун тартиби: 1. Медициналык кароодон өтүү, манжа изин каттоо жана сүрөткө түшүү (эгерде мурда өтпөгөн болсо). 2. Эмгек же жарандык-укуктук келишимди түзүү, ЕАЭБге мүчө мамлекеттердин, анын ичинде Кыргыз Республикасынын жарандары үчүн эмгек ишмердүүлүгүн жүргүзүүнүн милдеттүү шарты болуп саналат. 3. Түзүлгөн эмгек же жарандык-укуктук келишимдин негизинде миграциялык каттоону (каттоо) жүргүзүүгө жана убактылуу болуу мөөнөтүн узартуу. 4. Бардык керектүү документтерди алуу үчүн Россия Федерациясынын жогоруда аталган компетенттүү органдарынын же мекемелеринин бирине кайрылыңыз. 5. Учурдагы административдик укук бузуулар үчүн дайындалган административдик айыпты төлөңүз, андан кийин сиздин өлкөдө жүргөнүңүздү мыйзамдаштырууга мүмкүнчүлүк түзүлөт. Бардык процедуралар 2025-жылдын 10-сентябрына чейин бүтүшү керек. Ошондой эле Россия тарап Россиянын Ички иштер министрлигинин миграция бөлүмдөрүнүн иш убактысын эки саатка узарткандыгын билдиребиз. - @consul.mfa.kg