@bestseller081: النهارده عملت برام رز بطعم ولا أجدعها طاجن زبدة فلاحي، بس من غير لا زبدة ولا سمنة! كل الحكاية إني جبت طبق واسع ودهنته بزيت زيتون خفيف، ونزلت بالرز ومعاه بصل مبشور، توم مفروم، شوية فلفل أسود، رشة جوزة الطيب، وقلبت كله في بعضه كويس علشان كل حباية تاخد طعم. وبعدين دخلت على السر الكبير… مع معلقة كبيرة مملية من الجبنة القريش البيتي، اللي بتدي طعم كأنك مستخدمة زبدة فلاحي بالظبط! دي بقى التركة اللي تفرق في الطعم، ولازم تتقال وتتوضح في الفيديو لأن هي دي اللي هتخلي الناس تقول “الله!” من أول لقمة. سقيت الرز بنص كمية لبن ونص تاني من شرش الجبنة القريش اللي كنت عاملها في البيت، وده كمان لازم نشرحه في الفيديو، عشان الناس تبقى فاهمة إن السائل اللي في الصور مش كله لبن، لكن اللي مش عنده شرش ممكن يستخدم لبن أو مية من غير أي مشكلة. دخلته الفرن، ولما بدأ يستوي نزلت على الوش بمعلقة قشطة بسيطة – اختيارية طبعًا – بس أنا كانت عندي فحطيتها علشان الوش يطلع دهبي وطري من فوق. وبرضو نأكد إن الجبنة القريش لوحدها ممكن تقوم بالدور. النتيجة؟ برام رز طعمه فلاحي أصيل، من غير ما نستخدم لا زبدة ولا سمنة… كله من الجبنة القريش وشرشها، اللي لازم نرجع نحبهم تاني ونستخدمهم بذكاء في مطبخنا 💛 #مطبخ_مادي #أكلات_شرقية #أكلات_سريعة #أكل_بيتي #وصفات_سهلة #أكل_صحي #تركات_مطبخ_مادي #جبنة_قريش #برام_رز #أكل_من_غير_زبدة #fyppppppppppppppppppppppppppp #viralllllll #viralvideos #viralticktock #YouTubeShorts #virale
