@qaz365kz: Әйгерім Бидахимова есімді қазақ қызы Вьетнамда «Астана» деген атпен дәмхана ашты, деп хабарлайды Qaz365.kz. Өскемендік журналист Дарын Нұрсапар Вьетнамға барған сапарында осы дәмханадан дәм татып, иесін сөзге тартқан. Әйгерім – Вьетнамның Нячанг қаласында тұрып жатыр. Қала ел астанасы Ханойдан алыс орналасқан. Бірақ бұл жақта туристер көп. Әсіресе, ТМД елдерінен көп барады. Ащы тағдамдарға үйренбеген туристерге Әйгерімнің дәмханасы өте ыңғайлы болып тұр екен. Вьетнамдықтардың тағамдарында дәмдеуіштер көп. Біз ондайға үйренбегенбіз. Теңіз тағамдарын жеуден қиналамыз. Сондықтан өзіміздің тағамымызды сағынамыз. Алғашқы 1-2 күн қызық көріп, дәмін татады. Сосын әріқарай қиналады, -дейді дәмхана иесі. Әйгерімнің асханасында қазақтың ұлттық тағамдары бар. Бауырсақ, ет тағамдарын өсі пісіреді екен. «Астана» дәмханасына келген қазақстандық туристер бұл жердің таза екенін, үйде жүргендей сезінгендерін айтып жатыр. Өзім – Шығыс Қазақстан облысы, Тарбағатайда туып өскенмін. Өскемендегі №20 мектепті бітірдім. Кейін Алматыда оқып, жұмыс істедім. Тігінші болып еңбек еттім. Кейін бір орында қалып қоймау үшін Оңтүстік Кореяға бардым. Одан кейін осында келдім, - дейді ол.

Qaz365.kz | Новости Казахстана

Open In TikTok:

Region: KZ

Monday 26 May 2025 11:17:30 GMT