@sima8esthetique: اليوم صرالي موقف صدمني، بصح حسّيت لازم نهدر عليه. كنت نمشي فالطريق، حتى شفت مشهد وجعلي قلبي: دراري صغار يضربو قطة صغيرة، كانت تبكي وتتنفس بصعوبة، وكأنها تلفظ فأنفاسها الأخيرة… وهم يضحكو ويزيدو يضربو فيها بـ"الأجور الأحمر". والله ما قدرت نسكت. قربتلهم، وقلت... "يا ولادي... علاه تضربو فيها؟ راهي مسكينة، ما دارتلكم والو!" كل واحد فيهم بدا يبرر: "نلعبو معاها..."، "فلان ضربها قبل..." قلتلهم: "اللعب ما يكونش بالضرب! هي راهي روح، تحس وتتوجّع، ماشي لعبة. تقبلو واحد يجي يضربكم بلا سبب؟" شافو بعضاهم وسكتو… وقالولي: "لا لا..." بصراحة، الموقف هذا خلاني نفكر بزاف… علاش ولادنا يوصلو لهاذ القسوة؟ فين راه الخلل؟ #وجه_نظري الطفل ماشي "مذنب"، بل هو نتيجة لما يحيط بيه. إذا ربّيناه على الرحمة، وعطيناه القدوة الحسنة، وشرحنا له ببساطة أن "الحيوان يتألم كيما هو"، راح يفهم ويحنّ قلبه. أما إذا سكتنا وخليّناه يتعلم من العنف والصمت، راح يعيد نفس الأذية… وربما يولي إنسان قاسي يصعب تغييره. #اسفة_عل_فيديو #الرفق_بالحيوان_💙💛 #الرحمة #علموهم_الإنسانية #وجه_نظري #الحيوانات_تتألم

Sima Esthétique

Open In TikTok:

Region: DZ

Sunday 01 June 2025 16:34:09 GMT