@nadanagdy: اليوم اللي بحاول اهرب منه بقالي سنة.. سنة وانا بعدها يوم يوم ودموعي عمرها ما نشفت كل يوم بعيط عشانك فراق بابي مبدأش في اليوم ده ابدا.. انا كنت دايما بدعي ربنا يخليه ليا في اي حال وبأي شكل حتى وهو عنده الزهايمر ومش فاكرني مش عارف انا مين لكن كان دايما بيحس بيا وكان حاسس ان انا شخص قريب ليه لما كنت بصحيه من نومه اقوله "حبيبي صباحه حلو" لو مردش عليا كان بيمشي ايده على وشي وهو بيبتسم.. انا كنت مفتقدة بابي وهو قدامي مفتقدة ينادي عليا أو يطلب مني حاجة وخوفه عليا لو اتأخرت في الشغل أو وانا في مشوار ويفضل يكلمني يتطمن عليا.. انا كتير كنت وانا بحضنه بقوله وحشتني هو كان وحشني فعلا حتى وهو معايا بابي على طول كان يقولي انا مش خايف يجرالي حاجة بس انا خايف عليكي انتي بالذات عشان عارف انك هتتعبي من بعدي انا فعلا مفيش حاجة تعبتني قد فراقك يا حبيبي انا ربنا كان رحيم عليا لأبعد درجة ممكن حد يتخيلها اخد مني بابي بالتدريج اللي انا اتحمله ان الاول يتعب ويعيش مراحل الزهايمر كلها لحد المرحلة السابعة اللي هي بتكون منع للاكل وغيبوبة وبعدها الوفاة.. قبل وفاة بابي بكام يوم شوفت رؤية اني بنشرله حاجة من لبسه في البلكونة لكن وانا بنشرها كنت عارفة ان ده كفنه وقتها صحيت من النوم مخضوضة ومش مستوعبة وفعلا بابي اتوفى وهو لابس نفس الحاجة اللي كنت بنشرها انا تفاصيل اليوم كلها محفورة في ذاكرتي من اول الليل لما الدكتورة جاتله وبتحاول تقيس الضغط ومفيش ضغط في الجسم وهي فعلا ان ده احتضار وانا كنت فاهمة انه تعبان عادي وهيقوم تاني 💔 وفاة بابي عيشتني اكبر مخاوفي بحمد ربنا انه مَنّ عليا بخدمة بابي وبِره وان محدش شاله غير بناته ومراته ❤️ بابي كان طول عمره نفسه يكون عنده ولد وفي مرة كنت قاعدة معاه قولتله كان نفسك يبقى عندك ولد كنت هتحبه اكتر مني ؟! كنت بغير عليه حتى من حد مش موجود وقتها قالي لا انا بس كنت عايز اسمي يمتد لكن انتي واخواتك البنات عندي احسن من100 ولد للعلم هو وقتها كان مقتنع أن هو عنده 3 بنات مش اتنين بس كان ده من ضمن اعراض الزهايمر بابي قدملي حب وحنان وامان لو لفيت الدنيا كلها مش هلاقي ذرة منهم ❤️ .. لحد دلوقتي لسة ريحتك في مالية الاوضة بتاعتك والنور شغال ليل نهار مش بقدر اطفيه زي ما كنت موجود بالظبط هفضل طول عمري ادعيلك يا حبيبي ربنا يرحمك ويغفرلك ويخليك ليا لانك هتفضل طول عمري عايش جوايا #alzheimer #father #fyfyfyfyfyfyfyfyfyfyfyfyfyfyfyfyfyfy

Nada Nagdy

Open In TikTok:

Region: EG

Thursday 05 June 2025 10:52:24 GMT