@mahmood.trad: كيف تراجع المراجعة الأخيرة بليلة الامتحان لكل ماده ؟ اولاً: امتحان الدين أنا بفضل تخليله ٣ ايام قبل الامتحان كافيات للمراجعة لكل الماده في ناس بتحب تخلي مده اقل وتدرس مواد اكثر وفي ناس بتخلي مده اطول لانه اول امتحان ثانياً:اللغة العربية معك يوم ونص قبل الامتحان المده قليله صح لكن بدك تتأقلم مع الوضع ، القواعد إذا دارسهم كويسهم مراجعتهم سريعه مر على كل القواعد و ما رح تضيع عليهم وقت كثير ان شاءالله، المهارات تفاصيلها كثيره وتوجه الوزارة آخر السنين باسئلة تعتمد على الفهم اكثر من الحفظ لذلك ،الكلمات المفتاحية او الكلمات اللي بتدل على الجواب ركز عليهم ، ولا تنس تراجع اسئلة العروض اللي موجودة بالكتاب بالعادة بتيجي نفسها كوبي بيست ثالثاً: امتحان الانجليزي راجع المعاني كويس جدا جدا جدا راجع نهايات الكلمات حتى تعرف تحل اسئلة الاشتقاق مر ولو مرور عالقطع ، وراجع القواعد كاملة لكن إذا ما معك وقت جملة جملة على كل قاعدة كافي رابعاً :الرياضيات معك وقت كافي لمراجعة الورقتين ،بس كيف تراجع؟ امشي درس درس راجع فيهم الأفكار الرئيسية وحل اسئلة عشوائية (عدد بسيط) ومع نهاية كل وحدة حل اسئلة شاملة على كل الوحدة ، صح في وقت بس بدك تكون منطقي بالمراجعة حتى تضمن تمر على كل المادة . خامساً :الأحياء معك ٤ ايام كافيات جدا ، لكن إياك تركن كثير انه في وقت بالتالي يضيع منك ، مر على كل المادة واذا خلصت حل اسئلة ،علامات الأحياء اضمن من الفيزياء والكيمياء و تحصيلهم اسهل نسبيا ووزن المادة كبير بالمعدل فحاول ابذل كل جهدك على المادة سادساً : الكيمياء الأشياء اللي فيها حفظ مر عليها سريعا والاسئلة الحسابية حل سؤال على كل فكره وضروري تراجع القوانين والعلاقات بينهم والجداول بالكيمياء الكهربائية مهمة جدا وعليها اسئلة كثير ، والعضوية مهم جدا تكون حافظ المخططات سواء الموجودة بالكتاب او اللي بعملوها المعلمين بدوسياتهم سابعاً : الفيزياء مر على كل القوانين وحل على كل قانون سؤال المفتاح الرئيسي بالحل بالفيزياء همه القوانين وكونه ما في غير يوم ونص بين الكيمياء والفيزياء فالوضع مش عليك لحالك انما على كل الطلاب ثامناً: تاريخ الاردن ان شاءالله بكون ختامها مسك مع تاريخ الأردن 🇯🇴 بهاي الفترة الطلاب بتبلش تمل لكن إياك تكون بس بدك تخلص ، التاريخ علاماته مضمونه و برفع المعدل ،زيه زي الدين حاول مر على كامل الماده بهاي الفترة #jordan #explore #اكسبلور #توجيهي #ثانوية #الاردن #jordan #الامتحان_الوزاري #إمتحان #كيمياء #ثانوية_عامة #امتحانات #امتحانات_التوجيهي
