@elia_scents: صدق ما له تشاره! هذا الي يقوله بعض الخليجيين عن اللي ما له حل! سلام عليكم ويا هلا بعشاق العطور، عطر تشارا حصري دار آدلين العمانية ملكة الحصريات، مستلهم من حجر "تشاريوت" الكريم النادر وطاقته الاستشفائية. أول ما ترشه، تجيك نفحات فراولة وخوخ واقعية مع لمسة برغموت وصنوبر. بداية منعشة ترد الروح! شويّ ويدفى العطر ويكشف الأناقة... باقة زهرية من الياسمين والمغنوليا مع لمسة بودرية من السوسن. إحساس راحة خيالي! لكن من يبرد العطر، يبدأ الكلام الثقيل... ويثبت تشارا أنه شي فاخر من الآخر بمزيج شرقي ساحر، عود وباتشولي وجلد الغزال، مع دفء خشب الأرز والعنبر والمسك، ولمسة فانيلا ناعمة توازن كل هالثقل. طيب ليش "تشارا" ما له تشاره؟! لأنه محير! صحيح العود والجلود عطوه طابع رجالي، لكن الفواكه والزهور ولمسة الفانيلا بعد خلوه مناسب للمرأة اللي تحب العطور الشرقية بس ببصمة مميزة. صراحةً أبدعوا فيه فلا تفوتوه، ترى باقي كم حبة، وإذا خلص ما بيرجع حاله حال كل حصريات آدلين! يالله لحقوا عليه ونشوفكم على خير وفمان الله. #رابطة_عشاق_العطور #عشاق_العطور_العرب #عطر_تشارا #ادلين #عطور_نيش #عطور_النيش #عطور_فخمة #اصدار_محدود #عطر_شرقي #جديد_العطور #تقييم_عطور #عطور_عمان #عطور_النيش_الحصرية_الفاخرة #عطر_فاخر #ايش_عطرك_اليوم #شنو_عطرك_اليوم #وش_عطرك_اليوم