@mh764269i16: " زمن، ضحكاتنا تتنـاسى السُكوت.. ♥️"... في ليلة ساكنة، و القمر كامل مُنسكب ضـوءه في الحديقة و أزهارها، و نسمات الليل بتداعب أوراق الشجر، و "هو" قاعد في كرسي خشبي، بعاين فوق في النجوم، و "هي" واقـفها عند الباب خطواتها مترددة، لكن ماشها عليهُ. بصوتها الخفيف بتهمس.) ليه كُل مرة بحس إنو بينا بُعد رُغم إنك قريب.؟ بعاين فوق في السماء و كأنهُ بنقب في إجابة.) لإنو الحُب فيهُ مسافة... مسافة الشوق، مسافة الخوف، ومسافة الأسئلة البتتولد بين كُل ضحكة و سُكوت. بتقترب أكتر.) مرة قُلت : "قاعد أموت لما مواعيدك تفوت." بتعرف الكلمة دي جرحتني، مع إنو صوتك كان ناعم بيها. ينزل عـيونو ليها، عيونهُ فيها تعب، وشوق، و عتاب مُحب.) لإنو الحقيقة.. ما بقدر أكون بخير و إنتي ما هنا، وما بقدر أنسى اللحظات الِمنْتظرها منك، اللحظات الزي غيمة في صيف، متى ما جات، نزلت مطرها، ومتى ما راحت، خلتني يابس. بتمسح كفها على إيدو، تحس ببُروده.) ولو قلت ليك أنا ذاتي بخاف..؟ بخاف من الإحساس البربطني بيك كأنهُ أنا جزء منك، ولو إبتعدت دقيقة، بحسّ روحي بتنقسم.! بصوت متحشرج.) دا الخوف البربط القلوب الحقيقية.. الحُب الما عندو شكل محدد، ما عندو بداية واضحة، بس عندو إحساس عميق، لخلينا نلقى بعض حتى لو الدنيا سحبتنا بعيد. بتبتسم إبتسامة صغيرة.) الحُب دا لو كان بحر، أنا غريقة فيهُ، غريقة فيك وما دايرة إنسان يطلعني. بهمس ليها.) و أنا السباح الما بعرف يطلع، و مافي بر للأمان بعد ما إتلاقينا في نص الموج. بعيون مليانة أمل. 🥹) لو الزمن جرفنا بعيد، ولو الأيام فرّقت خطاوينا، أوعدني تخليني في بالك زي ما إنت موجود في روحي. صوته مُترجّف، لكن ثابت.) ما في شيء بقدر ياخدك مني، لا بُعد، لا وقت، ولا حتى النسيان البجرّب يقنعني إنك ما هنا. إنتي ما إسم ولا ذكرى، إنتي كل المساحات الفاضية الجُوّة، كل الحروف الضايعة البفتشها في كلام الناس وما بلاقيها، كل إحساس ما عرفت أوصفهُ، وكُل مرة قلبي دقّ… بدون سبب، وطلع السبب إنتي. أنا هنا... وهنا دا ما مكان، هنا دا إنت.. 🫶 على مراسيل السعادة متمني أتعمق جواك..! يسكرني عطرك، و أرتويك♥️ #f #fb #foryoupage #جخو،الشغل،دا،يا،عالم،➕_❤_📝 #سودانيز_تيك_توك_مشاهير_السودان🇸🇩