@bilgen.durys: ⚡️ ZTB NEWS редакциясына Катардан қайта алмай отырған қазақстандық әйел хабарласты. Оның айтуынша, өзі, отбасы және басқа да 150-ге жуық отандасы Доха әуежайында 18 сағаттан астам уақыт бойы қалып қойған. «Бізге қазір 18 сағат болды Катар әуежайында отырмыз, Қазақстанға қайта алмай жатырмыз. Мұнда шамамен 150 қазақстандық бар. Қорқып отырмыз, бірақ консулдық көмектесуге тырысуда», – дейді ол редакцияға жолдаған видеосында. Рейс кешігулері Таяу Шығыстағы жағдайдың ушығуымен, соның ішінде Катардағы АҚШ әскери базасына жасалған соққылармен байланысты. Уақытша әуе кеңістігі жабылған. Қазір кейбір рейстер қайта ашылғанымен, қазақстандықтар, әйелдің айтуынша, әлі де ұша алмай отыр. «Бәрі ұшып жатыр, тек біз ғана қала бердік. Мұнда емізулі нәрестелер, балаларымен жүрген аналар, қариялар бар. Ешкім ештеңе түсіндірмейді. Консулдық өкілдері келіп, жақын арада бәрі шешіледі деп айтты. Бірақ бізге өте қиын», – дейді ол. Бұған дейін ҚР Көлік министрлігі Парсы шығанағындағы бірқатар елдерге рейстердің тоқтатылғанын хабарлаған еді. Бұл шешім өңірдегі әскери-саяси жағдайдың күрт шиеленісуіне байланысты қауіпсіздік мақсатында қабылданған. Осындай шараларды халықаралық әуе компаниялары да қолға алған. Билік жағдайды тәулік бойы бақылауда ұстап отырмыз деп сендіреді. Ұшу мүмкіндігі туындаған сәтте рейстер қайта жандандырылады. #катар #доха #абудаби #туристы #иран #израиль #тельавив #тегеран #катар #ақш #америка #usa #жаңалықтар #врек #рек #рекомендации #kz #bilgendurys

BILGEN DURYS

Open In TikTok:

Region: KZ

Tuesday 24 June 2025 18:31:32 GMT