@barreadaani: Doofaarka maxaa ka taqaanna ? Doofaar weliga ma baacsatay ciyaalnimaadii ? Maahmaah ma ka xusuusataa ? Doofaarku waa noole ka mid bahweynta doofaarrada caalamka, waxa hu gaar u yahay qaaradda Africa barigeeda - Soomaaliya, Ethiopia iyo Kenya qeybo ka mid ah. Waxa uu gaar la yahay gano dhaadheer oo ay Soomaalidu ku sheegto ilko, balse ah gano/fool, sida kuwa wiyisha iyo maroodiga. Waa noole aan lahayn wax uun dhogora, marka laga reebo mid mid meelaha qaar kaga taalla. Waxa ay dubka iyo diirka wadaagaan aadna isaga egyihiin digiigixa kore; Wiyisha, Maroodiga iyo Qarandida. Waxa uu aad u jecel yahay ku noolaanshaha casaska iyo dhulka ciidda ay ah. Waxa uu qotaa xididdada geedaha qaar sida kuwa dhacaanka leh oo uu ka mid yahay - Wacanrigu. Markii ba waxa uu dhalaa raxan doofaarro ah (maxaa loo yaqaan dhasha doofaarkaa? - nagu caawi". Waxa uu leeyahay sayn dheer oo dhuuban, taas oo uu taago marka uu ordayo, dhashiisana waa uu deeddansadaa, haddii laga handedana waa uu dagaallamaa waa na dilaa. Marka uu ordayo saynta keliya ma uu taagee waa uu ruxaa, Soomaalidu waxa ay ka sheegtay in uu leeyahay marka uu saynta ruxayo oraah u dhiganta; "Dhasha aadane, aabi badanaa, cirka lagu geli, dhulka lagu geli, lagaa soo saar, lagugu celcel". Waxaa doofaarka lagu xantaa ficil la'aan iyo in uu dammane yahay. In uu yahay, hebed aan jir digiigixa lahayn, waxa ay ka sameeyeen maahmaah ku jirta diiwaanka maahmaahyada Soomaalida oo ah; "Doofaar ficil la'aan baa lagu cadaabay", iyaga oo aamminsan, si kasta oo uu taqi u yahay in doofaarka cadaab loo katibay, balse waxa ay illaaween in uu yahay noole nabadda jecel rabbaayaddana ku habboon. #sanaag #doofaarka #barreadaani #conqor #Abdimohamedyey #somalia#maakhir

Barre Adaani 🇸🇴

Open In TikTok:

Region: SO

Saturday 28 June 2025 18:02:55 GMT