(زړه ته) زه د حالاتو په دارونو ځانګم ته د چا زلفې بالختونه غواړې زه د وختونو په انګار دېره يم ته د چا سرې شونډې ګلونه غواړې هغه چې مينې پورې ټوقې کوي ته په هغې سترګو کښې کور لټوې ته لا د خکلو خلکو مينه غواړې ته په دې مړو ايرو کښې اوور لټوې هغه په لاسو کښې چې اوور ګرځوي ته د هغې خلکو ګلونه غواړې هغه په هر ګام چې نفرت خوروي ته د هغو محبتونه غواړې زه د سپوږمۍ د رڼا تار رانيسم ته په تيارو زلفو کښې لارې ګورې زه د زهره تر کوره منډه وهم په تا درنې وريځ کړې سترګې تورې هغه چې هر منزل يي خپې خکولوي هغه وجود مې ستا د لاسه شل دے هغه چې مرګ هم ورته ټوقه ښکاري هغه شعور مې ستا د لاسه دل دے زه د عمل د قافلو سره ځم ته د خيالونو په دنيا کښې ګرځې زه په دې زمکه نوې ژوند ټوکوم تانه ځان هېر دې په هوا کښې ګرځې زه د خاموشو غټو خلې پرانيزم ته د بتانو خاموشۍ وړې يي زه د تقدير ګرېوان ته لاس اچوم ته خوګې خلې خوګې کوکۍ وړې يي زه د دروغو ګوډاګي ماتوم ته دروغژنو ته پنا ورکوې زه په ريښتاو کافر شوې يمه ته دروغژنو ته بقا ورکوې زه د ترخو غمونو زهر ګوټم ته شرابونه مېکدې يادوې زه په ډوډې پسې ټکرې خورمه ته عشرتونه مېخانې يادوې زما او ستا دې تفرقې دې فساد زما ځواني په زړه ارې ارې کړه زما او ستا دې اختلاف دې تضاد زما هستي په مېنځ ټوټې ټوټې کړه راځه چې دواړه سره سوله وکړو راځه چې دواړه سره يو شو اشنا راځه چې دواړه يوه لار وګورو راځه چې يو خواته په دوو شو اشنا که زه او ته سره يو ځاے شو اشنا دا منزلونه به مو خپې خکول کړي که ما او تا د شپې ګريوان وشلوو سپين سحرونه به مو خپې خکول کړې Lyrics: Dr. Sahib Shah Sabir Vocal:@Enayat Ullah Official Editing:@𝗦𝗮𝗛𝗶𝗹_𝗔𝗳𝗚𝗵𝗮𝗡 🚩 #sahibshahsabir2 #sahibshahsabir #unfreezemyaccount #karankhan #sabir #viewsproblem #foryoupage #pashto #sahibshahsabirpoetry #داکټر_صاحب_شاه_صابر - @zamasabir2