@emaa.studio: هوه مين اللي بيصمّم الأحلام؟!" طب سألتوا نفسكو إزاي المكان في الفيلم بيخطفك ويعيّشك في الجو؟ ليه بتحس إنك جوّه قلعة، أو في شارع شعبي من الستينات، أو في بيت مهجور بيخوف؟ مين اللي بيخلق الإحساس ده؟ المخرج؟! المؤلف ؟! . لأ البطل الحقيقي هو: مصمم المناظر (أو مهندس الديكور)! و دوره انه الشخص اللي بيحوّل خيال المخرج لعالم حقيقي قدام الكاميرا. يعني لو المخرج قال: "عايز مشهد في قلعة قديمة فيها رهبة وغموض"... هنا الديزاينر بيسأل نفسه طب القلعة دي شكلها عامل إزاي؟ السلالم من حجر؟ الشبابيك ضيّقة؟ الحيطان متشققة؟ الألوان باهتة؟ المكان دافي كأنه بيت ملك؟ ولا مرعب كأنه مهجور؟ كل التفاصيل دي بيبنيها علشان يحسسك إنك هناك بجد! فبيبدأ يقرأ السيناريو بتركيز ويفهم القصة والزمن والمكان. بعدين بيقعد مع المخرج يناقش اللي عايز يعمله، ويبدأ يرسم سكتشات ويعمل تصميمات 3D. وأهم حاجة بيتابع التنفيذ بنفسه مع النجارين، الرسامين، مهندسين الصوت والإضاءة... علشان كل حاجة تطلع مظبوطة وتخدم القصة. فمن غير مصمم المناظر، الفيلم بيبقى ناقص روح! فهو اللي بيخلق العالم اللي بنعيش فيه القصة. فمتع عينك عزيزي المشاهد بتصاميم من فيلم درب المهابيل اللي تعمقت في قصته وعملت ليه اسكتشات بألوان تناسبه وتناسب جو الفيلم فلو عندك شغف لتصميم المناظر والديكور عمتا اعمل فولو عشان تستفيد🌸

Emaa.studio

Open In TikTok:

Region: EG

Saturday 05 July 2025 22:42:08 GMT