@nrt.bji: "شلون تغير نظرتك للحياة اعتبر نفسك انحكمت بأمر قضائي بالإعدام بعد شهر من تاريخ صدور الأمر، يعني اطلع القاضي حرة طليق وين ما يعجبك تروح وتنفذ بيك الحكم بعد شهر. شنو راح تسوي بهل حالة؟ اعتبر نفسك مريت بهاي المواقف أنت وبهذا الشهر: الموقف الأول اسمه (زينة الحياة الدنيا) اجالك شخص وعرض عليك وظيفة جنت تحلم بيها، شنو راح يكون ردك؟ أكيد راح تباوعله وتگله: خويه شسوي بيها أنا ورة شهر ورايح ختولي، وأنت قبل يجوز جنت تأخر صلاتك علمود تكمل دراسة للحصول على وظيفة. زين الموقف الثاني اسمه (التسامح والعفو)، اجاك شخص وسباك أو ظلمك شنو راح تسوي؟ هل راح تشيل بقلبك عليه وتحاول تنتقم؟ أكيد راح تگول هو أنا راح ما تسوه اخرب حياتي بقبض أو حقد خلي أسامحه الله يحب العافين على الناس وأنت قبل جنت ذا واحد غلط عليك تگلب الأمة ومحد يوقفگ وفكرة المسامحة والعفو حاذفيهن من بالك. الموقف الثالث اسمه (الابتعاد عن الذنوب)، اجاك صديق قديم جنت متعود تسوي وياه ذنب معين اجاك وگالك تعال نسوي الذنب الفلاني. شنو راح تگول؟ أكيد راح ترفض وتگله بعد أخوك أنا مقبل على موت وما أريد أواجه الله وإني مذنب، وأنت جنت يومية تسوي ذنوب ومعاصي. الموقف الرابع اسمه (الإقبال على العبادات وفعل الخير)، يجوز أنت قبل كانت الصلاة عندك آخر همك ويجوز أنت تصلي بس مو بموعدها أو تصليها بسرعة، ومرات ما تصلي، لكن بعد اللي صار وياك وسالفة الشهر أكيد راح تنتظر حلول الصلاة بالثانية وقد تصلي النوافل وحتة صلاة الليل وراح تسارع لفعل كل خير وتطير طيور لهل شي وراح تبتعد عن كل محرم. الموقف الخامس اسمه (قيمة الوقت والعلاقات)، أنت يجوز جنت على خلاف وي صديقك او أبو او أخوك على شي تافه وما يسوه، وكنت تضيع وقتك على الموبايل وتتصفح دون فائدة ناسي وقتك ونفسك، وتضيعهن بمشاهدة المباريات والمسلسلات بينما بالشهر اللي سولفنه عليه أكيد راح تروح لصديقك أو أخوك وتتبادر بالاعتذار حتة لو جان هو المخطأ وراح تشوف الدقيقة أهم من الذهب لأن عرفت قيمة الوقت وغفت كلشي يضيع وقتك بلا فائدة. شفت شلون نظرتك تغيرت بهذا الشهر لكل الدنيا. هسه تعال نسولف بين الواقع والشهر اللي افترضناه، مبدئياً كلنه محكومين بالإعدام هذا حكم إلهي قطع كل نفس ذائقة الموت، بس شنو الفرق؟ الفرق هو بالشهر أنت تعرف موعد حكمك فتكون متأهل لهل شي. بينما الحياة الواقعية أكيد لا أنت محكوم وما تعرف يمته يتنفذ الحكم؛ خليك وي ربك كورد يحتاج الماء انت الورد وتحتاج الصلاة. مع السلامه إذا وصلت لهنا تابعني." #عيش بدون ذنوب اهواي#خليك ورد
