သူ့ကိုလေ ... မြင်မြင်ချင်း ချစ်ခဲ့တာ မဟုတ်ဘူး ။ အစက သဘောကျရုံကျခဲ့တာ ။ သူနဲ့ စကားတွေပြောနေရတာ ပြီးတော့ သူ့အနားရှိနေရတာတွေကို သဘောကျနေခဲ့တာ ။ မရှိရင် ရှာတယ် ပြီးတော့ မတွေ့ရင် မေးတယ်ဆိုတဲ့ အဆင့်တွေကနေ တဖြေးဖြေး ချစ်မိလာခဲ့တယ်ဆိုပါတော့ ။ လူတစ်ယောက်ကို ချစ်မိပြီဆိုရင် အနည်းနဲ့အများတော့ အတ္တတွေ ပါလာတာပဲ မဟုတ်လား ။ ဆုံးရှုံးရမှာကြောက်တဲ့ အတ္တတွေ ကိုယ်တစ်ယောက် တည်းပိုင်ချင်တဲ့ လောဘတွေ ပြီးတော့ ကိုယ့်တစ်ယောက်တည်းကို ချစ်စေချင်တဲ့ အရာက အဆိုးဆုံးပဲ ။ ရနေတဲ့ ဂရုစိုက်မှုလေးတွေမှာ တဖြေးဖြေးသာယာလာတတ်သလို ပေးနေတဲ့ ကြင်နာမှုတွေကို တစ်ဘ၀စာ အပိုင်လိုချင်လာမိတယ် ။ ပြီးတော့ ဆုံးရှုံးလိုက်ရမှာကို ကြောက်တတ်လာခဲ့တယ် ။ သူမရှိတော့ရင် ဒါမှမဟုတ် သူမချစ်တော့ရင်ဆိုတဲ့ အတွေးလေး ၀င်လာရင်ကို အဲ့ဒီနေ့ရက်တွေက စားမ၀င် အိပ်မပျော်တော့ဘူးဆိုပါတော့ ။ လက်ထပ်ဖို့ တကယ်ပဲ ရွေးခဲ့တာပါ ။ ဒါပေမယ့် ကံကြမ္မာက တစ်ယောက်နဲ့တစ်ယောက် နီးဖို့အထိ ကံတွေ မပါဘူးထင်ပါတယ် ။ လက်ထပ်ဖို့ ရွေးခဲ့ပြီးမှ တစ်ယောက်နဲ့တစ်ယောက် မဆုံနိုင်အောင် တကယ်ပဲ ဝေးရတယ် ။ ဝေးချင်ပြီဆိုတဲ့အခါ ချစ်ခဲ့တဲ့နှစ်တွေ မျှော်လင့် ခဲ့တဲ့ မျှော်လင့် ချက်တွေ ပြီးတော့ ငါတို့ ဘယ်လောက်ချစ်ခဲ့တာပါဆိုတဲ့ အတိတ်တွေဟာ အရေးမပါတော့ဘူးဆိုတဲ့ သဘောတရားကိုလဲ သိမြင်လာတယ် ။ မျက်ရည်တွေ ဘယ်လောက်ပဲကျနေပါစေ ဒူးတွေ ဘယ်လောက်ပဲ ထောက်နေပါစေ ... နောက်ဆုံး ရွေးချယ်ခြင်းတွေက ကိုယ်နဲ့ ဝေးရာအရပ်ကိုပါပဲ ။ မင်းမရှိရင် မဖြစ်ဘူးဆိုတဲ့ စကားကို မင်းအနားမှာ နေရတာ မပျော်တော့ဘူးဆိုတဲ့ စကားတွေနဲ့ ချေပတယ် ။ မင်းအနားမှာ ရှိနေချင်ရုံပါဆိုတဲ့ အောက်ကျို့မှုတွေကို အချစ်တွေဟာ ရှိမနေတော့ဘူးဆိုတဲ့ စကားလုံးနဲ့ နာအောင်လုပ်တယ် ။ ဒီတိုင်းလေးပဲ ချစ်နေရင် ပြီးတော့ ဒီတိုင်းလေးပဲ သဘောကျရုံလေးပဲ သဘောကျခဲ့မယ်ဆိုရင် ငါတို့ ဝေးရမှာမဟုတ်ဘူးဆိုတဲ့ အတွေးလေးနဲ့ပဲ အဝေးမှာ ကျန်ခဲ့ရတာပါ ။ လူတစ်ယောက်ကို ချစ်နေလို့ပဲရတယ်ဆိုတဲ့ ကံတရားကို လက်သင့်ခံလိုက်ဖို့ပဲ ကျန်တော့တာပါ ။ နီးစပ်ဖို့ ကြိုးစားရင်က တဖြေးဖြေး မဆုံးနိုင်အောင် ဝေးခဲ့ရခြင်းတွေက တကယ်ပဲ ရှိပါလားဆိုတဲ့အမှန်တရားဟာ တကယ်ပဲ ခါးတယ် ။ နှစ်တွေအကြာကြီး မက်ခဲ့ရတဲ့ အိပ်မက်လေးက ဘာမဟုတ်တာလေးနဲ့ ပျက်ပြယ်သွားရတယ် ဆိုပါတော့ ။ မင်းကို ချစ်တယ် ပြီးတော့ အမြန်ဆုံး နီးရအောင်လေဆိုတဲ့ စကားကို ပြန်ကြားရင်း လက်ထပ်ဖို့ရွေးခဲ့ပြီးမှ ဝေးခဲ့ရတဲ့ ဇာတ်လမ်းလေးကို ရင်နာနာနဲ့ ပြန်အမှတ်ရနေမိတာ ။ တစ်နည်းပြောရရင် ကိုယ်နဲ့ စခဲ့တဲ့ ဇာတ်လမ်းဟာ တခြားလူဆီမှာပဲ အဆုံးသတ်သွားတာမျိုးပေါ့ ။ #ကျေးကိုရင်နှင့်ရင်း၍ရေးသည်🤍 @tiktok creators #tiktokmyanmar #fyppppppppppppppppppppppp #trendingtiktok #fyp - @thaw12345673