@nazbarzinji91: ونرجع لموضوع الفحص الدوري اقري الكابشن⬇️ ليش هيج طفلج خطية كل شكد تسوين فحص دوري اله؟🧑🏻‍⚕️ دكتورة احنه يادوب ملحكين على الادوية والزيارات من يتمرض تدرين انتي العيشة مو سهلة وكلها مصاريف هذي🙇🏻‍♀️ صحيح والله عاذرتج بس احنه شغلنة الحقيقي مو بس من يتمرض الطفل احنه هدفنا الاساسي نقلل اصابة الطفل بالامراض قدر الامكان ونجنب الاهل كل هذي المشاكل والتعقيدات الي ابالج🧑🏻‍⚕️✅ وهسة راح اوضحلج شلون⬇️⬇️ الفحص الدوري مقسم لخمس مراحل بالسنة الاولى ومرحلتين او ٣ بالسنة الثانية وبعدها يكون كل ٦ اشهر السنة الاولى تتقسم ⛔المرحلة الاولى بعد الولادة خصوصا اول يومين وغالبا يكون بالمستشفى ونتابع بي هذي التفاصيل (فصيله دمه.. سكره.. داء اليرقان الولادي(ابو صفار).. فحص الغربله....الخ ⛔المرحلة الثانية بعد الشهر الثالث وراح نتابع بي هذي التفاصيل(وزن الطفل.. محيط الرأس.. الطول.. المهارات الحركيه..متابعه جدول اللقاحات.. ) ⛔المرحلة الثالثة بين الشهر الخامس والسادس وراح نتابع بي هذي التفاصيل (وزن وطول ومحيط الرأس.. تطور مهاراته الإدراكي والحركي.. جهوزيته لبدء تقديم الطعام الصلب.. فحص شامل لكل اعضاء الجسم) ⛔المرحلة الرابعة بعد الشهر التاسع وراح نتابع بي(وزن وطول ومحيط الرأس.. تقبله للأكل ووجود تحسس من عدمه.. مهاراته الحركيه وهل اتطورت كلهه عده أو لا.. فحص الأسنان والاذن... متابعه اللقاحات.. تقييم عام) ⛔والمرحلة الخامسة بعد الشهر الثاني عشر والي راح نتابع بيها (نموه الأدراكي والاجتماعي.. مهاراته الحركيه.. فحص شامل يشمل المناعه والجهاز الهضمي والعصبي..اجراء فحوصات الخاصه بمستوى الفيتامينات والمعادن بجسمه) ليش هذي الفحوصات مهمة وشلون راح تكون تكاليفها اقل من تكاليف المتابعة عند المرض💁🏻‍♀️ لان كلنة نعرف الوقاية خير من العلاج واليوم لو ناخذ ابسط مثال راح اسألج طفلج لو صار عنده التهاب شكد راح تستخدمين مضادات حيوية وابر حته يطيب؟ دكتورة اذا مو كورس ابر وشرابات ونضل نعيد بالمضادات ما يطيب بسهولة🙎🏻‍♀️ شفتي هذا ابسط شي لان انتي ممتابعة بصورة صحيحة مناعته والنمو واحتياج جسمة بالاضافة الى المقاومة الدوائية الي دنواجها من الاستخدام الخاطئ للمضادات الحيوية🤦🏻‍♀️ لهذا احنه هدفنا بالدرجة الاساس هوة التوعية والتثقيف والمتابعة لان اطفالنا همة جيل المستقبل وضمن سلسلتنا التوعوية راح ننزلكم بالايام القادمة مجموعة فديوهات توضيحية بكل مرحلة ولكل فئة عمرية حته كل ام تكون قادرة على معرفة هذي التفاصيل👩🏻👶🏻 لأن أطفالكم يستحقون افضل رعايه 🩺👍🏻✔️تابعونا حت تستفادون من المعلومات 🧑🏻‍⚕️ فيسبوك https://www.facebook.com/profile.php? Id=61575727356363 الانستكرام https://www.instagram.com/drnazalbarzanjiclinic?igsh=ZHl4OTBjbnAwNWk3 تيك توك https://www.tiktok.com/@nazbarzinji91?_t=ZS-8y2nwTTtwmI&_r=1 العنوان /شارع المغرب فرع مستشفى الخيال مجاور صيدليه عطر البيلسان للحجز والاستفسار ٠٧٧١٦٤٥٥٥٥٦ ٠٧٥٠٦٤٣٠٣٦٩ #طب_اطفال #تغذيه_علاجيه #عياده_طب_الاطفال_و_حديثي_الولاده #اطفالكم_يستحقون_افضل_عنايه #dr_nazclinic #pediatricclinic #baghdad