@aziztalks: خل أقولك شيء: إذا كنت قاعد تغيّر حياتك بدافع إنك تحس إن فيك نقص وتبي تعوّضه، فبأقولك وبكل وضوح… إنت غلط. ليش؟ لأن الله سبحانه وتعالى يقول: “ولقد خلقنا الإنسان في أحسن تقويم” فأنت أساسًا مخلوق في أحسن صورة، في أعلى هيئة. فإذا كان سعيك نابع من شعور بالنقص، راح تظل تحس بالنقص مهما سويت، وراح تظل تدور في دائرة ما تنتهي. لكن إذا كان سعيك مبني على رغبة في التحسين والتكامل، علشان توصل إلى “أحسن تقويم” اللي الله خلقك عليه، فهني يصير السعي سعي وعي، وسعي محبة للنفس، مو جلد لها. كلنا فينا “أحسن تقويم”، لكنه مو شي تلقائي نعيشه، هو “قابليّة” وضعها الله فينا، وعلينا إحنا نكشفها وننضج فيها ونوصل لها. فأنا اليوم، ما أغيّر حياتي لأني ناقص، أنا أغيّرها لأني أستحق الأفضل… وأبي أرجع لأصل الصورة اللي الله خلقني عليها: أحسن تقويم.

Aziztalks | عبدالعزيز العبيد

Open In TikTok:

Region: KW

Thursday 17 July 2025 16:30:43 GMT