نعالج القبح بالجمال ـــــــــــــــــــــــــــــــــــــــــــــ برضى ليك المولى الموالي ـــــــــــــــــــــــــــــــــــــــــــــ كلمات: إبراهيم العبادي ألحان وغناء: الحاج محمد أحمد سرور بورتريه إبراهبم العبادي: عماد عبد الله ـــــــــــــــــــــــــــــــــــــــــــــ لو تحُول دون قصدي العوالي ليكَ أغوص في بحوري وأوالي فيكَ إخراج دُرري الغوالي وانشي شعري وزجلي وموالي واشدي وحدي واهدي الحوالي (في سناكَا قليل يا جميل) برضي ليك العبد الموالي وفيكَا لازم الصبر الجميل *** يا ملاكي ظروفي العصيبة حايله دونك وما ليَّ صيبه قاللي هاك أقوالاً مُصيبه كلّ نفساً توجد نصيبا واليصيبا المولى اليصيبا (بالقدر كم عزَّ الذليل) كم ربوعاً أجدب خصيبا ومافي فجراً ما عقبو ليل *** المكارم خلقي الجبيلة والمحامد سالك سبيلا ديمه شارب من سلسبيلا من أخاير أخيَر قبيله ومن أعالي العايلة النبيلة (وكل صميماً لصميم بديل) الليالي الليلة وقبيلا للجلل معدود الجليل *** تشكي كُتر النوح العَيَالَك وديمه تشكي أيام زاهِيَالك يا مهفهف سيرَك أمالك والنسيم الساير أمالك إنت زاهي ولاهي ويالك (مِن مُرائي وصِدقَك قليل) إنت عاشق بالجد خيالك ومنه ساكن ظلاً ظليل *** يا سما الغايات يا ملاكا مين تطاول لي نيل عُلاكا عشتَ، دُم يا حُلية حُلاكَا يا حياة أرواحنا وهلاكا لو صليتو النار ما سلاكا (قلبي راضي وهاك الدليل) إنه صابر وحامل بلاكا مرة أرحم، يكفي القليل *** برضي ليك المولى الموالي وفيكَا لازم الصبر الجميل ……………. إنا لله ياخ #sudan #sudanese_songs #sudanesesongs #fyp #نعالج_القبح_بالجمال - @tarigjibreel