@clinical_chemistry_: اول شي لازم نعرف يا هرمون يأثر على الغدة الدرقية وهرموناتها اثناء فترة الحمل . # هرمون HCG (Humanchronionic gonadotropin) هذا الهرمون ينفرز من المشيمه اثناء الحمل زين شلون يأثر على الغدة الدرقية ؟ ........................................... هرمون HCG يمتلك تركيب جزيئي مشابه لتركيب هرمون TSH اللي يحفز الغدة الدرقيه يعني هرمون HCG راح يشتغل مثل هرمون TSH ويكون تأثيره بفترات الحمل كالاتي : ١- الثلث الاول من الحمل يعني من الاسبوع الاول الى الاسبوع الثاني عشر 12 راح يكون تركيز هرمون HCG عالي جدا وبالتالي يحفز الغدة الدرقية حتى تفرز هرمونات T3 , T4 واللي بدورهه تسوي Negative feedback لهرمون TSH لهذا السبب بالثلث الاول من الحمل نشوف هرمون TSH منخفض بشكل مؤقت . ٢- الثلث الثاني من الحمل يعني من الاسبوع 13 الى الاسبوع 26 : بهاي الفترة يبدي هرمون HCG ينخفض تدريجياً بعد ما وصل للذروه بالثلث الاول ويصبح تأثيره على الغدة الدرقية قليل وبهاي الحالة تبدي مستويات هرمون TSH ترجع للمستوى الطبيعي او قريبه من الطبيعي ٣- الثلث الثالث من الحمل من الاسبوع 27 الى الولادة : هنا تكون مستويات هرمون HCG منخفضة نسبياً ومايكون اله تأثير ملحوظ على الغدة الدرقية وبالتالي تنتهي فعاليته بالتحفيز المباشر للغدة الدرقيه وترجع مستويات ال TSH طبيعية . #fyp #اكسبلور #اكسبلورexplore #فولو #clinical_chemistry #هرمونات_الحمل #طب_مختبرات
