مستحيل اربي طفل ماعنده مسؤولية ومابي فايده لا لنفسه ولا للمجتمع اتمنى الله يقدرني و مشمش تكبر مثل ما اتخيلها 🤍 . تربية الطفل على القيادة تبدي من وهو صغير، من خلال تقوين ثقته بنفسه، وتشجعيه ياخذ قراراته، ويتحمل المسؤولية. وهاي كم طريقة ممكن تساعدچ: 1.علميه اتخاذ القرارات بدلي طريقة “سوي هيچ” بـ”شنو رأيك تسوي هيچ لو هيچ؟” حتى يتعلم يختار بنفسه. بالبداية، خليه يختار شغلات بسيطة، مثل شنو يلبس، أو أي فاكهة ياكل. 2.عززي ثقته بنفسه امدحي جهوده مو بس النتيجة: قولي له “أنا فخورة لأنك حاولت”، مو “عفيه عليك نجحت”. حاولي ما تقارنينه بالغير، كل طفل إله طريقته بالنجاح. 3.شجعيه يتحمل مسؤولية خلي عنده شغلات يسويها يومياً وتناسب عمره، مثل يرتب ألعابه، أو يساعدچ بالمطبخ. ولما ينجح بشي، قولي له “أنت صدگ مسؤول، وأنا واثقة بيك”. 4.خليه يواجه مشاكله بنفسه إذا وكع بمشكلة، لا تحلينها إله مباشرة، بس علمي طريقه الحل اول مره وهو يحلها وبعدين حتشوفي كام يحل بدون متحسين 6.ازرعي بيه روح التعاون والقيادة خليه يلعب ألعاب جماعية يكون بيها قائد. علميه يحترم آراء غيره، ويتعاون وياهم، مو يتسلّط عليهم. 7.علميه يتحمل العواقب إذا نسى واجباته، لا تسوينها عنه، خليه يتحمل النتيجة ويتعلم منها. وإذا كسر شي، خليه يصلحه، مو تعوضيه بسرعة. 8.ازرعي بيه الأخلاق والعدل وعلمي لتسمح لاحد يقلل منك وياذيك ويعتدي عليك ولا انت تعتدي على احد 9.كوني قدوة إله الأطفال يتعلمون من يشوفون، فإذا شافچ واثقة، مسؤولة، ومؤثرة، راح يصير مثچ. 10.شجعيه على المبادرة 11.علمي يتاسف من يغلط من ابو اخو خالاته عماته كل ناسه حتى يتعلم الاسف يكبره مو يصغره . 12. وبالاخير بوجهه نظري الام تربي والخاله والعمه تربي والخال والعم يربي والجار يربي و كل الناس الي نشوفهم يوميه يربون و تخلي الطفل يشوف تصرفات وسلوكيات جديده مو بس الام تربي 🤍 الله يعينا على تربيتهم و يجعلهم من الصالحين 🤍 . . #اكسبلور #fyp #الله #ريلز_explor #تيكتوك_عرب - @aisha.aljanabi1