@farah_11_: هذا إللي سويته … ْ شفت الدنيا بعيونه دنيا بيها هو الوحيد إللي يحبني صدُك دنيا مابيها أحد غيره يهتم لأمري ومصلحتي دنيا مهما سويت وأخفقت بيها ما أخاف لان هو موجود وياية ومستحيل يتخلى عني الشخص اللي من فتحت عيوني للدنيا هو يمي شلون ممكن يتخلى عني بيوم ! من گد ثقتي وحُبي لغيت شخصيتي وغمضت عيوني وياه وفضلته على نفسي وأهلي ودراستي وكرست حياتي بس اله ولأطفالي وچنت فرحانة وأحس نفسي محظوظة بزوج مثله وأطفال حلوين يشبهونا وبيت حلو ودافي يشبهني ماردت من الله شيء أكثر ونسيت الفرحة متدوم يمكن الله عاقبني لان ما شكرته اكثر مادري الله لان يحبني خلاني أفتح عيوني وأفهم أنهُ الحُب المثالي هذا مجرد وهم بعد هاي السنين كلها اللي ضاعت من عمري وبعد كل شيء ضحيت بيه أكتشفت مچان يحبني هو مجرد يحب نفسه اللي خلتني أحبه وأصدگه وأتبعه دائماً ما صدگني وما سمحلي أبرر وهو يعرف اني مستحيل أسوي شيء غلط مستحيل حتى أفكر بهيچ شيء هو رباني وعلمني المفروض يعرف ويصدگني مو يصدگ شخص غريب يحاول يخرب سعادتنا تخلى عني بكل بساطة ولا كأنه اني أعني اله شيء من الأساس وبكل برود طلعني من بيتي وحرمني من أطفالي وعافني وحدي وحتى يعذبني أكثر حَب غيري وخطبها وچان متقصد يخليني أشوفهم سوة وأشوفها وهي مگعدة أطفالي بحضنها وهو فرحان ويضحك وما أكتفى بكل هذا لا حتى أهلي غيرهم علية وصاروا ما يطيقوني ولا يردوني اصلاً أرجعلهم ولا أرجع لجامعتي واني ذنبي ما أعرفه شنو إللي أرتكبته شنو حتى يصير بية كل هذا صارلي سنة متمرمرة وعيوني من البچي مدا تنشف محد ديفهمني محد حتى دموعي اللي قبل چانت تنگلب الدنيا من تنزل هسة صارت ما تعني أحد رغم كل هذا الألم حاولت والله حاولت أصير قوية وأرجع كل شيء مثل قبل بس فشلت ودا أفشل يمكن خلص لازم أتقبل هذا مصيري بدون أهلي بدون أطفالي بدونه…

𝐹𝐴𝑅𝐴𝐻

Open In TikTok:

Region: IQ

Friday 01 August 2025 17:52:50 GMT