@sereke.birhanu: "ታስበው  ዘንድ ሰው ምንድን ነው ?" መዝ.8፥4       የሚታዩ ፍጥረታት ኹሉ የተፈጠሩት ለሰው ነው ። ከአዳም አንሥቶ ጌታችን እስከሚመጣበት ድረስ ያለው ጊዜ የተሰናዳው ለሰው ነው ። ገነት የተዘጋጀው ለሰው ነው ። ትእዛዛት የተሰጡት - የሚሰጡት ለሰው ነው ። ተግሣጻት የተዋደዱት ለሰው ነው ። ተአምራት የሚከናወኑት ለሰው ነው ።ሕግ ከተሰጠ በኋላ (ሲጥሰው) የሚቀጣው ሰው ነው ። ሲተገብረው የሚሸለመውም ሰው ነው ። አምላክ ሰው የኾነው ለሰው ነው ። በወዲያኛው ዓለም ይወርሰው ዘንድ ስለተዘጋጀለት በጎ ነገርማ ማን አምልቶ ሊናገረው ይችላል ?           ክቡር ዳዊት ❝ታስበው ዘንድ ሰው ምንድን ነው ?❞ ማለቱ ፦ ‟እንደዚህ ዕፁብ ድንቅ የኾኑ ልዩ ጸጋዎችን ትሰጠው ዘንድ ሰው ምን ቢኾን ነው ?” ብሎ በሕሊናው እያሰላሰለ ነው።            እኛም ብንኾን እስከ አሁን ድረስ ለሰው የተደረገውን ነገር ስናስበው ፣ የተደረገው ነገር ሁሉ ለሰው ጥቅም ተብሎ የተደረገ እንደኾነ ስናስተውለው ፣ ገና በወዲያኛው ዓለም ሊደረግለት ያለውን ነገር ስናስተነትነው ፥ ፍጹም በኾነ መደነቅ እንያዛለን ። ከዚያም ይህ ፍጥረት በእግዚአብሔር ዘንድ ምን ያኽል ልዩ ክቡር ፍጥረት እንደኾነ እናስተውላለን ። አስተውለንም አንቀር ❝ታስበው ዘንድ ሰው ምንድን ነው ?❞ ብለን እንደነቃለን ። ቅዱስ ዮሐንስ አፈወርቅ #መዝሙር_ዘኦርቶዶክስ_ተዋህዶ #ኦርቶዶክስ⛪ተዋህዶ⛪ለዘለዓለም🙏ትኑር🙏 #አባገብረኪዳን #ኦርቶዶክስ_ተዋህዶ_ፀንታ_ለዘለዓለም_ትኑር #ethiopianorthodox #coptic #ethiopian_tik_tok🇪🇹🇪🇹🇪🇹🇪🇹 #ethiopianorthodoxtewahedo🇪🇹 #ማርያም #መዝሙር #ኦርቶዶክስ_ተዋህዶ_መዝሙር #መዝሙር_ዘኦርቶዶክስ_ተዋህዶ

ሠረቀ ብርሃኑ

Open In TikTok:

Region: ET

Saturday 02 August 2025 15:09:56 GMT