@life_shymkent17: Шымкент қаласының әкімі Ғабит Сыздықбеков бүгін газ инфрақұрылымындағы заманауи жылжымалы зертхананың жұмысымен танысты. Жаңа ДЛС-АВТО («Пергам») кешені жерді қазбай, жер асты құбырларын ашпай-ақ инфрақұрылымды қашықтан тексеруге мүмкіндік береді. Газдың көзге көрінбейтін, қол жетуі қиын жерлердегі аздаған ақауының өзін 60 метр қашықтықтан анықтай алатын лазерлік детекторлармен жабдықталған бұл құрылғы апаттардың алдын алуға және жүйенің сенімділігін арттыруға бағытталған. Қала басшысы құрылғының жұмыс тәртібі мен техникалық сипаттамаларымен жеке танысты. Айтуынша, бұл озық технология газ желілерінің техникалық жай-күйін бақылауда таптырмас құралға айналмақ. Сонымен қатар бүгін Ғабит Әбдімәжитұлы «Қарабастау» тұрғын алабын көгілдір отынға қосу рәсіміне қатысып, елдімекен тұрғындарын көптен күткен қуанышты сәтпен құттықтады. Шамамен 9 мың тұрғыны бар «Қарабастау» бұған дейін табиғи газбен қамтамасыз етілмеген еді. Енді бұл мәселе толық шешімін тапты — 1408 үйге орталықтандырылған газ желісіне қосылуға мүмкіндік берілді. Қала басшысы аталған жобаның барлық мүдделі тараптардың үйлесімді әрі жүйелі жұмысының нәтижесінде жүзеге асқанын атап өтті.

life_shymkent17

Open In TikTok:

Region: KZ

Thursday 07 August 2025 15:01:26 GMT