تون ويلهه وساري ويئين، مان اڃا به اوسيئڙو ڪيان ٿو، رات جي چانڊوڪيءَ ۾، تنهنجون وکون ڳوليان ٿو. اهي ڪي ڏينهن هئا جڏهن تنهنجون اکيون منهنجي ڌڙڪڻ سان ڳالهيون ڪنديون هيون، هاڻ اهي ڏينهن، ساهن ۾ سڙن ٿا، تنهنجي لهجي جي کوٽ ۾، لفظ رڙيون ڪن ٿا... ڪيترا ڀيرا سج اڀريو، ڪيترا ڀيرا شام لهڻ لڳي، هر ويلي، هر پل، منهنجي اکين ۾ تنهنجو نانءُ اُڀريو. رستن تي ويهي، هر وک ۾ تنهنجو واعدو ڳوليم، پر تون نه آئين، نه ڪا خبر، نه سلام، نه ساهه ۾ سرور. مان سوچيان ٿو، ڇا تون وساري ويئين؟ يا مان اوترو عزيز نه هئس، جنهن لاءِ ڪنهن کي موٽڻو پوي؟ تنهنجي ياد، منجهند جي لُڪ وانگر جلن ڏيندي آهي، ۽ مان خاموش بيٺو، ان سڪ جي سورج هيٺ ساڙبو رهان ٿو، مون کي ته سِڪَ آهي، توکان نه فقط اچڻ جي، پر تنهنجي نَس نَس ۾ لڙڪجي وڃڻ جي. ڪڏهن ڪڏهن اُهو وڻ ياد اچي ٿو، جيئن هيٺ ويهي، اسان زندگي ڀر ساٿ جون ڳالهيون ڪيون. هاڻ ته آسمان به خالي آهي، ۽ وڻ به سڪي ويو آهي. او محبوب! محبت صرف ملڻ نه آهي، محبت اهو انتظار آهي، جنهن ۾ پنهنجو پاڻ وساري، ڪو ڪنهن جو خواب بڻجي ٿو ۽ مان… مان اڃا تائين تنهنجي خواب ۾ قيد آهيان، تنهنجي واعدن جي ڇانوَ ۾، تنهنجي اچڻ جي آس ۾، وقت کي ڳڻيندي، ساهن کي سنڀاليندي، محبت ۾ انتظار ڪيان ٿو...#foryou #foryoupage #sufisong #sindhistatus #fyyyyppppppp - @dreamy2k005