هنـا البارت اتاكدت اني اتوهمت بنضريتي وفهمت غلط واتقبلت الامر الواقع فـ تمت الخطوبه وعقدو بس جانت بالكوه تبتسم وداحسها تمثل والعريس هم غريب ساكت وهادي وبالكوه يحجي داحسها مو خطوبه بس الي ديشتت الجوو امه وخواته واغاني وهلاهل ويطشن جكليت فـ تمت الخطوبه ورجعنه للدوام والروتين واتفاجئت من اندگ الباب فـ مجان اكو احد لبست شالي وطلعت دافتحه واتفاجئ من اشوف ودق بالباب كتلها عزززه ودققق نسيت روحيي وحضنتهاا حييل ما احس الا شالي وكع ع جتفي وصوت حمحمه رفعت راسي بسرعه واشوفلك الياس گدامي من الهبطه بسرعه رفعت شالي ولبسته دنگ وگـال السلام عليكم كتله شسمه وعليكم السلام اتفضلوو ابتسم وطب خجلت كولش منـه واتوترت مدري ليش فـ كعدو بالاستقبال وصحت ماما اجت تهلي وترحب بيهم اتفاجئت من كالت الهم واخيرا صرتو جوارينه رفعت نضري الـه ومصدومه معقوله صاروو كدامنه؟ وجوارينه اجت عيني بعينـه رفع حاجبه المطبور ودنگ وكلها ولوو الوقت متاخر بليل بس مترهم نطب البيت بدون منسلم عليكم وماما تكله يمه اندار عليك والله فرحت وصراحه اني هـم شعور فرحح بداخلي وداحس كولشش فرحت لان صارو يمنه وبنفس الوقت شي بداخلي ديلتفت ع الياس وبكل يوم ادعي الله يوفقه ويعوضـه فـ ماما راحت دتسوي جاي يباوع ع المصلايه الي مفروشه وكال منوو فارشها صلاتيش هسه؟ كتلـه هـاا جنت داصلي صلاه الليل رفع تك حاجب وباوعلي بنضره طويله جان ودق تحمحم باوعلها جان تكله سوده عليه احتريت موو هياته المي اشررب مسح كصته وكلهاا مو اجيجج ضحكت وكلتله اختيار موفق واني صافنه عليهمم كتله شسمه بعدك دتصلي مـو؟ باوعتلي ودق وكالت يصلي ويكعدد ع صلاه الفجر وصراحه كمت ماعرفه رفعت راسي متفاجئه بي معقولـه لهل درجه كلامي اثر بي ؟ فـ شرب الجاي وشويه اترخصو وراحـو . لجيـن ; داومت والحلقه بيدي وكولها دتسئلني عليها فـ اجه درس الرياضيات واتفاجئت من دخلت النه استاذه كالت استاذكم عنده مؤتمر واسبوع يلا يرجع وبكل يـوم داكول مافكر بي بس غصبا عليه افكررر وبالي يمه وداحس كولش اشتاقيتله وارجع اكول معليه بي وربي يوفقه وياهاا بس گلبي ينغزني . وهـج ; طبعا ماما بين يوم ويوم من ارجع من الدوام تخليني اودي غده لبيت الياس وبكل مره تطلعلي ودق ونضل نسولف وارجع ومـا اشوفه مدري معقوله اشتاقيتله ؟ نضراتي دتكول هيج لان عيوني تدوره فـ اليوم جمعه وماما تكعد بيه كوميي وديلهم فـ كمت لبست البشت والشال وطلعت اول ما وصلت بابهم واسمع صوت تكسير انخمش گلبي بسرعه فتحت الباب وطبيت الصالـه واسمع صوته العالي يصيح وددددق لزمت گلبي وكتله الياسس التفت عليـه وعيونه حمررر ووجهه ميكصه السيـف صاح ودق يمكممم كتله هـااا لاااا راح يفتح الغرف ويدور بسرعه خليت الاكل ع الميز وكتله شكووو شصاير وهوو يدور بالبيت ويصيحح ودققق رحت يمه وكتله وووين راحتتت لزم راسه بعصبيهه وكاللل راح اتخببببل وينهاااا متت من الخوف ع شكله واعصابه النارر وشلون خايف عليها اليجي كدامه يشمره لووو يكسرره ويدور بعصبيه اخررر شي انتجه ع الحايطط وكعددد بتعب لزم راسـه وكااال اخذهاا ااااااي اخذهاا من الخووف والهبطه عليه رحت كعدت يمه وكتلههه لااا مياخذهاااا قابل شلون ياخذها وانت موجود اكيددد هنااا لو يمنه باوع بعيوني شلون الي باله شارد وكال لاااا متعرفينه انتييي اخذهااا وهسه يصيرلهااا شي بسببب اهماليييي يحجي ويلهث وداحس ح يصيرله شي گد ما عروگ رگبته وكصته بارزه متحملت لا اراديااا لزمت وجهه بأثنين اديه وكتله الياسسس فدووه اتنفسس كوول يا الله مبيها شي ودق ولاااا راح يصيرلها شييي فدووه اهدء شجااك بس جان حرفيااا فاقددد ويردد اسم نور متحملت المنضر دموعي نزلت ع خديي اشهك واحجيي من الخوف والموقف اريده يستوعب اخرر شي مليت من عدم استيعابه وصحتتت الياسسسس شبيككك استوووعب موو داحاجيككك اشهك وابجيي اريده بس يركز ويايييي راساا باوعلي بأستغراب شلون الي انتبهه گـاال بهمس وهـجج ....يتبع - @za33g