Есірткі бизнесі мемлекеттен тыс, өз алдына бөлек экономикаға айналып барады деп хабарлайды Ertenmedia. Қаржы мониторинг агенттігі (ҚМА) әшкерелеген 50 наркөдүкеннің жылдық айналымы 25 миллиард теңге. Таңғаларлығы криминалды нарық кәдімгі банк жүйесімен біте қайнасып кеткен. Онлайн-сервистердің қалқасында тұрған есірткі саудасы мемлекеттің іш-құрылысына дендеп кіріп алғанын байқамай да қалыппыз. ❗️Ресми дерекке сенсек, Қазақстанда есір..кі тұтынатын 40 мың адам бар. Бұл жәй ғана жалаң цифр емес, сіз бен біздің ортамызда жүрген адамдар. Олардың аты-жөні, IP-адрестері, транзакциялары анықталған. Арасында мектеп оқушылары да, шенеуніктер де жетіп артылады. Президент Тоқаев күні кеше есір..кі саудасы мен өндірісін қатаң бақылауға алу туралы өткір мәлімдеме жасады. Есір..кі бизнесін қаржыландыратын күмәнді қаржы ағындарына тосқауыл қоюды тапсырды. Мемлекет басшысы жастарды теріс жолға түсірген осы "бизнестің" интернет арқылы романтизацияланып жатқанына қынжылып отыр. Қазірдің өзінде 20 мыңнан астам дроп-карта бұғатталған. Тоқаевтың сөзінен кейін банктер 8 мың клиентпен келісім-шартты едел-жедел бұзып жатыр екен. Осыншама есепшот ашылып, есірткі ақшасы криптовалюта арқылы айналып жатқанда банк мамандары қайда болды? Әлемжелі мен курьер арқылы жүздеген картаны рәсімдеген кезде неге ойланбады дейсің. 3 мың криптоәмияндағы 11,5 миллион доллардың жолы кесілген. 130 жасырын криптоайырбастау пункті жұмыс істеп келген, бірақ қозғалған іс саны 64 қана. Ішкі істер министрі Сәденовтің көз алдында нағыз цифрлық наркөимперия қалыптасқан. ҚМА операциясы барысында 118 келі есірткі тәркіленіпті. Оның ішінде сінтетика да бар. 217 мың дөза психотропты зат алынған. Елімізде психотропты препәраттар кәдімгі дүкен сөресіндегі тауардай саудаланатын жағдайға жеткен. Одан да сорақысы, халықаралық пошта қызметі арқылы есір..кі жеткізіп тұрған төрт ірі арна анықталған. Қазақстанда есір..кі нарығы кәдімгі маркетплейс секілді құрылған дейді. Мұнда менеджер, курьер, логистика, банк, криптовалюта, тіпті жарнамаға дейін бар. Оларды ешкім бақылап жатқан жоқ... Президенттің кешегі мәлімдемесін айтылды-ұмытылды деп қабылдайтындар бар секілді. Себебі нақты құрықтау жоқ, қылмыс әлемінің барондары тасада қалып, көшеде жүрген бейшара курьер мен нашақорлар ғана темір торға түседі. Тұтқынға тек курьер емес, криптобиржаның артында тұрғандар, есірткі сайттары мен дүкен қожайындары, күмәнді транзакцияларды көрсе де, көзін жұмып отырған банк қызметкерлері, кабинетте отырып-ақ осы нарықтың кеңеюіне үнсіз рұқсат берген лауазымды тұлғалар түсуі тиіс еді. Дәл қазір жаппай тазарту басталмаса, алдағы жылдары бұдан да ауыр, бұдан да үрейлі статистикаға куә боламыз. ❗️Ertenmedia-ның телеграмына тіркелуді ұмытпаңыз. Сілтеме профильде. #рекомендации #тоқаев - @ertenmedia